పవన్ ని రెచ్చగొట్టిన రామూ ఎందుకు సైలెంట్ అయ్యాడు?

''నేను రాడనుకున్నాడా... రాలేడనుకున్నాడా...'' అనే డైలాగ్ నందమూరి బాలకృష్ణది అయినప్పటికీ, ఇప్పుడీ డైలాగ్ రామ్ గోపాల్ వర్మని ఉద్దేశించి పవన్ కళ్యాణ్ అడిగితే బాగుండు అని చాలామంది అనుకుంటున్నారు. ఎందుకంటే పవన్ కళ్యాణ్  రాజకీయాల గురించి ఆలోచించనప్పుడు, రాజకీయ పార్టీ పెట్టాలనే ఆలోచన లేనప్పుడు రామ గోపాల్ వర్మ తన ట్విట్టర్ లో పవన్ కళ్యాణ్ రాజకీయాల్లోకి రావాలని ట్వీట్ చేసేవాడు. పార్టీ పెట్టాలని, చిరంజీవి కంటే పవన్ రాజకీయాలకు కరెక్ట్ అని పేర్కొన్నాడు. గణపతి బప్పా.. పవన్ కళ్యాణ్ కొత్త పార్టీ పెట్టి రాజకీయాల్లోకి వచ్చేలా చూడు అని ట్వీట్ చేసాడు. పవన్ కళ్యాణ్ పాదయాత్ర చేస్తే... మహాత్మగాందీ పాదయాత్ర కంటే ఎక్కువ సక్సస్ అవుతుందని అన్నాడు. à°ˆ ట్వీట్స్ గురించి హాట్ హాట్ చర్చలు జరిగేవి. రామూ ఎందుకు పవన్ రాజకీయ ఎంట్రీ గురించి మాట్లాడుతున్నాడు అని జనాలు జత్తు పీక్కునేవారు. ఇదంతా కొన్ని నెలల క్రితం మాట.
ఇప్పుడు పవన్ కళ్యాణ్ త్వరలో తన రాజకీయ ఎంట్రీ గురించి, రాజకీయాల గురించి తన అభిప్రాయం వెల్లడిస్తానని ప్రకటించాడు. ఏకంగా కొత్త పార్టీ పెట్టే ప్లాన్ లో పవన్ ఉన్నాడనే వార్తలు కూడా వస్తున్నాయి. మరో నాలుగు రోజుల్లో హైటెక్స్ లో పవన్ కళ్యాణ్ భారీ సభ ఏర్పాటు చేసి తన రాజకీయ రంగప్రవేశం గురించి చెప్పడానికి సమాయత్తమవుతున్నాడు. అచ్చంగా రామ్ గోపాల్ వర్మ పేర్కొన్నట్టు పవన్ కళ్యాణ్ అడుగులు వేస్తుంటే రామ్ గోపాల్ వర్మ మాత్రం సైలెంట్ అయిపోయాడు. అతని వైపు నుంచి ఎలాంటి స్పందన లేదు. దాంతో అసలెందుకు రామూ సైలెంట్ అయిపోయాడని జనాలు మాట్లాడుకుంటున్నారు. స్పందించాల్సిన సమయంలో స్పందిస్తేనే దేనికైనా అర్థం పరమార్ధం ఉంటుంది. లేకపోతే ఆపోహలు నెలకొంటాయి. పబ్లిసిటీ కోసమే రామూ మాట్లాడుతుంటాడని జనాలు అనుకునే మాటలు నిజమయిపోతాయి. ఏమంటారు వర్మగారు.