చిరు 150వ చిత్రంలో నాగ్!

మెగా పవర్ స్టార్ రామ్ చరణ్ హీరోగా శ్రీను వైట్ల దర్శకత్వంలో ఓ చిత్రం రూపొందుతోన్న విషయం తెలిసిందే. స్టార్ హీరోల సినిమాకి స్టంట్ మ్యాన్ గా వ్యవహరించే పాత్రలో రామ్ చరణ్ ఈ చిత్రంలో కనిపించనున్నాడు. కాగా ఈ స్టార్ హీరోల పాత్రలను పెద్ద హీరోలతోనే చేయించాలనుకుంటున్నాడట శ్రీను వైట్ల. ఓ పెద్ద హీరో పాత్రకు చిరంజీవిని నటింపజేద్దామని రామ్ చరణ్ చెప్పాడట. ఇది శ్రీను వైట్ల కూడా బంపర్ ఆఫర్ కావడంతో చిరు దగ్గర మాట్లాడాడట. ఈ ఐడియా చిరుకి కూడా నచ్చడంతో ఈ సినిమాలో గెస్ట్ అఫియరెన్స్ ఇవ్వడానికి గ్రీన్ సిగ్నల్ ఇచ్చేసారని సమాచారమ్. ఓ సాంగ్, ఇంట్రస్టింగ్ ఫైట్స్ సీక్వెన్స్ చరణ్, చిరు కాంబినేషన్ లో ఉంటాయని తెలుస్తోంది. సో... చిరు 150వ చిత్రం రామ్ చరణ్ చిత్రమే అవుతుంది. ఇదిలా ఉంటే...

ఈ చిత్రంలో నాగార్జున కూడా గెస్ట్ అఫియరెన్స్ ఇవ్వబోతున్నారనే వార్తలు వినిపిస్తున్నాయి. ఇంకో పెద్ద హీరో పాత్రలో నాగ్ కనిపించనున్నారట. ఈ సీన్స్ గురించి శ్రీను వైట్ల ఆల్ రెడీ నాగ్ తో మాట్లాడాడట. మెగా కాంపౌండ్ హీరోలతో సన్నిహితంగా ఉంటున్న నాగార్జున ఈ గెస్ట్ అఫియరెన్స్ ఇవ్వడానికి అంగీకరించారని సమాచారమ్. ఇదే కనుక జరిగితే ఒకే సినిమాలో చిరు, నాగ్ ని చూసినట్టువుతుంది. రామ్ చరణ్ సినిమాలో చిరుతో పాటు నాగ్ గెస్ట్ అఫియరెన్స్ ఇచ్చినట్టువుతుంది. చిరు 150వ చిత్రం ఇదే అవుతుంది కాబట్టి, ఆ సినిమాలో నాగ్ కనిపించనట్టువుతుంది. ఇన్ని విశేషాలు ఒకే సినిమాలో ఉంటే ఇంతకంటే భారీ చిత్రం ఏదవుతుంది. ఇక పనిలో పనిగా పవన్ కళ్యాణ్ ని కూడా ఓ స్టార్ హీరో పాత్ర కోసం గెస్ట్ అఫియరెన్స్ ఇప్పిస్తే... ఈ సినిమా రేంజ్ ఎలా ఉంటుందో ఊహించుకోవచ్చు. మరి రామ్ చరణ్, శ్రీను వైట్ల దీని గురించి ఆలోచిస్తారేమో చూద్దాం.