ఆ భయంతోనే చిరు వెనకడుగు... నిరాశలో చరణ్!

మెగాపవర్ స్టార్ రాంచరణ్ హీరోగా రూపొందుతోన్న 'బ్రూస్ లీ' చిత్రంలో మెగాస్టార్ చిరంజీవి గెస్ట్ అఫియరెన్స్ ఇస్తున్న విషయం తెలిసిందే. ఈ సినిమాలో చిరు నటిస్తున్నారనే వార్త రాగానే అభిమానులు ఎక్కువ ఎక్స్ ఫెక్ట్ చేయడం మొదలుపెట్టేసారు. ముందు చిరుతో ఓ పాట, ఓ ఫైట్, రెండు సీన్స్ చేయించాలని ప్లాన్ చేసాడట డైరెక్టర్ శ్రీను వైట్ల. ఇందుకు చిరు కూడా అంగీకరించారట. చిరు పాత్రకు సంబంధించి నిడివి పెరుగుతుంది కాబట్టి 'బ్రూస్ లీ' యూనిట్ మొత్తం ఫుల్ హ్యాపీ. అయితే ఆ తర్వాత మెగాభిమానులు ఎక్కువ అంచనాలు పెంచేసుకోవడం, ఆ ప్రభావం ఈ సినిమాపైనే కాకుండా, చిరంజీవి 150వ సినిమాపైన కూడా పడుతుందని చిరు గ్రహించేసారట. దాంతో 'బ్రూస్ లీ' చిత్రంలోని పాత్ర గురించి ఆలోచనలో పడిపోయారట చిరంజీవి.

ఈ సినిమాలోనే ఫైట్స్, డ్యాన్స్ చేసేస్తే... తదుపరి తన చిత్రంపై మరింతగా ఎక్స్ ఫెక్టేషన్స్ పెరిగిపోతాయని, అది ఏ మాత్రం మంచిదికాదని ఫిక్స్ అయ్యారట. అందుకే జస్ట్ అలా కనిపించడంతోనే సరిపెట్టేయాలని డిసైడ్ అయ్యారట చిరు. ఈ విషయాన్ని రాంచరణ్, శ్రీను వైట్లకు చెప్పారట చిరు. దాంతో పాత్ర నిడివి తగ్గించేసాడట శ్రీను వైట్ల. అయితే ఈ సినిమాలో తండ్రి ఓ ఫైట్, డ్యాన్స్ చేస్తే బాగుంటుందనుకున్న రాంచరణ్ ముందు నిరాశపడ్డాడట. తర్వాత చిరు చెప్పింది కరక్ట్ అని భావించి అంగీకరించేసాడట. సో... తదుపరి సినిమా గురించి ఆలోచించే చిరు 'బ్రూస్ లీ' విషయంలో వెనకడుగు వేసారని చెప్పొచ్చు.