యంగ్ టైగర్ ఎన్టీఆర్ తో మాటల మాంత్రికుడు త్రివిక్రమ్ శ్రీనివాస్ చేయబోతున్న సినిమా ప్రారంభోత్సవం ఘనంగా జరిగిన విషయం తెలిసిందే. పవన్ కళ్యాణ్ తో తను చేస్తున్న సినిమా పూర్తవ్వగానే ఎన్టీఆర్ సినిమాని సెట్స్ పైకి తీసుకెళ్లడానికి ప్లాన్ చేసుకుంటున్నాడు త్రివిక్రమ్. కాగా ఈ సినిమాకి సంబంధించిన ఓ వార్త సోషల్ మీడియాలో పెద్ద ఎత్తున హల్ చల్ చేస్తోంది. అదేంటంటే…
ఎన్టీఆర్, త్రివిక్రమ్ చేయబోతున్న సినిమాకి సంబంధించిన స్టోరీ లైన్ విషయంలో ఇద్దరి మధ్య మనస్ఫర్ధలు నెలకొన్నాయని చెప్పుకుంటున్నారు. ఎన్టీఆర్ కి త్రివిక్రమ్ ఓ యాక్షన్ ప్యాక్డ్ స్టోరీ లైన్ చెప్పాడట. ఈ స్టోరీ లైన్ ఎన్టీఆర్ కి నచ్చిందట. అయితే ప్రిన్స్ మహేష్ బాబుతో సినిమా చేయడానికి మరో స్టోరీ లైన్ సిద్ధం చేసుకున్నాడట త్రివిక్రమ్. ఈ స్టోరీ లైన్ తెలుసుకున్న ఎన్టీఆర్, ఇప్పుడు ఇదే స్టోరీ లైన్ తో సినిమా చేద్దామని త్రివిక్రమ్ ని అడుగుతున్నాడట. కానీ ఆ స్టోరీ లైన్ మహేష్ బాబు కోసం వర్కవుట్ చేసానని అంటున్నాడట త్రివిక్రమ్. ఈ విషయంలోనే ఎన్టీఆర్, త్రివిక్రమ్ మధ్య కోల్డ్ వార్ జరుగుతోందనే వార్తలు పెద్ద ఎత్తున హల్ చల్ చేస్తున్నాయి. మరి ఈ వార్తల్లో ఎంతవరకూ నిజంముందో తెలియాల్సి ఉంది.