బ్లాంక్ చెక్ తో మహేష్ ని కలిసిన డైరెక్టర్... ఎందుకు?

ప్రిన్స్ మహేష్ బాబుతో 'టక్కరి దొంగ' చిత్రానికి దర్శకత్వం వహించిన డైరెక్టర్ జయంత్.సి.పర్హాన్జీ ఆ తర్వాత మహేష్ బాబుతో సినిమా చేయలేదు. కానీ అప్పటి నుంచి మహేష్ బాబుతో ఈ డైరెక్టర్ సత్సబంధాలు కొనసాగిస్తున్నాడట. ఆ అనుబంధంతో మహేష్ బాబుతో ఓ చిత్రం నిర్మించడానికి ఈ డైరెక్టర్ సన్నాహాలు చేస్తున్నాడని సమాచారమ్. అయితే జయంత్ ఈ చిత్రానికి దర్శకత్వం వహించాలనుకోవడంలేదట. ఆల్ రెడీ మహేష్ బాబు గ్రీన్ సిగ్నల్ ఇచ్చిన ఓ ప్రాజెక్ట్ కి నిర్మాతగా వ్యవహరించాలనుకుంటున్నాడట జయంత్.సి.పర్హాన్జీ. ఆ వివరాల్లోకి వెళితే...

ఆనంద్, గోదావరి, హ్యాపీ డేస్, లీడర్, లైఫ్ ఈజ్ బ్యూటిఫుల్ చిత్రాల ద్వారా ఓ ప్రత్యేకమైన గుర్తింపు తెచ్చుకున్నాడు శేఖర్ కమ్ముల. ఇతగాడి దర్శకత్వంలో మహేష్ ఓ సినిమా చేయబోతున్నాడని గతంలో వార్త వచ్చింది. అది జరగలేదు. ఇటీవల మహేష్, శేఖర్ కలిశారట. తమ కాంబినేషన్లో సినిమా గురించి చర్చించుకున్నారని తెలుస్తోంది. శేఖర్ కమ్ముల ఓ స్టోరీ లైన్ కూడా అనుకున్నాడట. మహేశ్ గ్రీన్ సిగ్నల్ ఇవ్వడంతో ఈ లైన్ ని డెవలప్ చేసే పని మీదున్నాడట శేఖర్ కమ్ముల. పూర్తి స్ర్కిఫ్ట్ తయారు చేసి మహేష్ బాబుకి వినిపించాలనుకుంటున్నాడట శేఖర్ కమ్ముల. స్ర్కిఫ్ట్ విని మహేష్ ఈ ప్రాజెక్ట్ చేయడానికి అంగీకరిస్తే, జయంత్.సి.పర్హాన్జీ ఈ చిత్రాన్ని నిర్మించే అవకాశం ఉందని తెలుస్తోంది. ఇటీవలే బ్లాంక్ చెక్ తీసుకుని మరీ మహేష్ ని కలిసాడట జయంత్. మహేష్ కూడా ఈ డైరెక్టర్ కి డేట్స్ ఇస్తానని మాటిచ్చాడని సమాచారమ్. సో... 'బ్రహ్మోత్సవం' తర్వాత మహేష్ బాబు ఈ సినిమా చేసే అవకాశం ఉందని ఫిల్మ్ నగర్ వర్గాలు అంటున్నాయి. మరి ఎంతవరకూ ఈ ప్రాజెక్ట్ వర్కవుట్ అవుతుందో వేచి చూడాల్సిందే.