కన్నడ భామతో తెలుగు దర్శకుడు ప్రేమ?

తెలుగు పరిశ్రమలో కన్నడ భామలు, మలయాళ ముద్దుగుమ్మలు, చెన్నయ్ చందమామలు, హిందీ లలనామణులు రాణిస్తున్న విషయం తెలిసిందే. అనుకోకుండా ఇక్కడివారితో ప్రేమలో పడి, పెళ్లి చేసుకుని తెలుగింటి కోడళ్లు అవుతుంటారు. మరి.. ఇప్పుడు ఇక్కడి దర్శకుడితో ప్రేమలో పడ్డ ఓ కన్నడ భామ అతన్నే పెళ్లాడి, తెలుగింటి కోడలవుతుందా? లేదా అనేది కాలమే చెబుతుంది. ఈ కన్నడ భామ ఆల్చిప్పలాంటి కళ్లతో, కత్తిలాంటి షేప్ తో ఉంటుంది. ఆ దర్శకుడు ఫుల్ టాలెంటెడ్. మెగాఫోన్ పట్టినా, కలం పట్టినా అతనికి తిరుగు లేదు. పంచ్ డైలాగులు ఓ రేంజ్ లో రాస్తాడు. ఈ కన్నడ భామ చిన్న సినిమాలతో మొదలై, పెద్ద సినిమాల వరకూ చేరుకుంది. ప్రస్తుతం లవ్వాడుతున్న దర్శకుడి చిత్రంలో ఆల్రెడీ యాక్ట్ చేసింది. ఇప్పుడదే దర్శకుడి సినిమాలో ఓ కథానాయికగా నటిస్తోంది. రెండో సినిమాలో కూడా అవకాశం ఇచ్చాడు కాబట్టి, ఈ ముద్దుగుమ్మ అంటే ఆ దర్శకుడికి లవ్వే అంటే ఎలా? స్నేహంతో కూడా ఇచ్చి ఉండొచ్చు కదా అని కొంతమంది సందేహించవచ్చు. కానీ, ఈ ఇద్దరి వాటం చూస్తుంటే స్నేహితుల్లా అనిపించడంలేదని, ఖచ్చితంగా ప్రేమించుకుంటున్నారని పరిశీలకులు అంటున్నారు. అందగత్తలెందర్నీ బాపు బొమ్మలతో పోల్చుతారు. అలాంటి ఓ బాపు బొమ్మతో మాటలు తూటాలు పేల్చే డైలాగులు రాస్తూ, దర్శకుడిగా కూడా సక్సెస్ దారిలో వెళుతున్న ఆ దర్శకుడి ప్రేమ కహానీ ఎందాకా వెళుతుందో చూడాలి.

Star Director affair with Kannada Heroine