మళ్లీ లవ్ లో నయనతార.. ఈసారి దర్శకుడితో!

మలబార్ తీరం నుంచి వచ్చిన తారల్లో బాగా సక్సెస్ అయినవాళ్లలో నయనతారదే మొదటి స్థానం అని చెప్పొచ్చు. తెలుగు, తమిళ భాషల్లో అత్యధిక పారితోషికం తీసుకుంటున్న తారగా నయనతారకు పేరుంది. ప్రస్తుతం తమిళంలో మూడు, నాలుగు చిత్రాల్లో నటిస్తూ బిజీగా ఉంది నయనతార. క్రేజీ తారగా వృత్తిపరంగా వార్తల్లో నిలిచినట్లుగా వ్యక్తిగత వ్యవహారాల ద్వారా కూడా నయనతార ఎప్పుడూ వార్తల్లో నిలుస్తుంటుంది. ముఖ్యంగా ప్రేమ వ్యవహారాల ద్వారా. ఇప్పటికి రెండు ప్రేమ వ్యవహారాల్లో భంగపడిన నయనతార ఇప్పుడు మరోసారి లవ్ లో పడిందని సమాచారం. ఆ ప్రేమ గురించి చెప్పాలంటే...

Nayanthara again in love

ముందుగా తమిళ హీరో శింబూతో ప్రేమలో పడిన నయనతార, అతన్నుంచి విడిపోయన విషయం తెలిసిందే. ఆ తర్వాత ప్రభుదేవాతో ప్రేమలో పడి, పెళ్లి వరకూ వెళ్లి ఆ తతంగం నెరవేరకుండానే విడిపోయింది. ఆ విధంగా రెండుసార్లు ప్రేమ పరంగా చేదు అనుభవం ఎదుర్కొన్న నయనతార దాదాపు రెండు, మూడేళ్లుగా సోలో లైఫ్ గడుపుతోంది. మధ్యలో ఓ అప్ కమింగ్ ఆర్టిస్ట్ తో ప్రేమలో పడిందనే వార్త వచ్చింది కానీ, అతనికి ఇటీవల వేరే అమ్మాయితో నిశ్చితార్థం జరగడంతో, ఆ వార్త నిజం కాదని తేలిపోయింది. ఇక.. నయనతార గురించి ప్రచారం అవుతున్న తాజా లవ్ స్టోరీ గురించి చెప్పాలంటే.. ఓ తమిళ దర్శకుడితో ప్రేమలో పడిందనే వార్త కోలివుడ్ లో ప్రచారంలో ఉంది. ఇటీవల ఆ దర్శకుణ్ణి కేరళ తీసుకెళ్లి, తన తల్లిదండ్రులకు పరిచయం చేసిందట. వాళ్లు కూడా ఆ దర్శకుణ్ణి ఇష్టపడ్డారని, తమ కూతుర్ని అతనికిచ్చి పెళ్లి చేయాలని నిర్ణయించుకున్నారట. మరి.. ఈ వార్త ఎంతవరకు నిజమో కాలమే చెప్పాలి.