పవన్ కళ్యాణ్, ఎన్టీఆర్... కత్తి పట్టుకునేది ఎవరు?

విజయ్, సమంత జంటగా మురుగదాస్ దర్శకత్వంలో రూపొందిన తమిళ చిత్రం 'కత్తి' గత యేడాది దీపావళికి విడుదలై, భారీ వసూళ్లు సాధించి కొత్త రికార్డులను నెలకొల్పింది. ఈ చిత్రం తెలుగు డబ్బింగ్ హక్కులను ఫ్యాన్సీ రేటు ఇచ్చి 'ఠాగూర్' మధు దక్కించుకున్నారు. డబ్బింగ్ పూర్తి చేసి విడుదల చేయాలనుకున్న మధు ఈ చిత్రాన్ని తెలుగులో రీమేక్ చేస్తే బాగుంటుందని భావించి పవన్ కళ్యాణ్, ఎన్టీఆర్ తో చర్చలు జరిపారు. అయితే ఈ ఇద్దరూ ఈ సినిమా చేయడానికి ఆసక్తి కనబర్చలేదట. దీనికి కారణం ఈ సినిమాలో ప్రభుత్వాన్ని నిలదీసే కొన్ని సమస్యలను చర్చించడం జరిగింది. ప్రస్తుతం అధికారంలో తేదేపా పార్టీ ఉంది కాబట్టి, ఈ సినిమా చేయడం కరెక్ట్ కాదని ఈ హీరోలు భావించారని వినికిడి.

అయితే తాజా వార్తల ప్రకారం మళ్లీ ఈ ఇద్దరి హీరోలను ఠాగూర్ మధు సంప్రదించారని తెలుస్తోంది. ఇద్దరూ కాస్త మెత్తబడి సినిమా చేయడానికి ఆసక్తి కనబర్చారట. ఎన్టీఆర్ ప్రస్తుతం సుకుమార్ దర్శకత్వంలో సినిమా చేయబోతున్నాడు. పవన్ కళ్యాణ్ 'గబ్బర్ సింగ్ 2' ని సెట్స్ పైకి తీసుకెళ్లాలనుకుంటున్నాడు. ఈ సినిమాలు పూర్తయిన తర్వాత ఈ ఇద్దరిలో ఎవరు ఈ సినిమా చేయడానికి ముందు డేట్స్ కేటాయిస్తే, వారితో సినిమా ఆరంభించాలని ఠాగూర్ మధు భావిస్తున్నట్టు సమాచారమ్. మరి ఫైనల్ గా ఈ ఇద్దరిలో ఎవరు 'కత్తి' పట్టుకుంటారో వేచి చూడాల్సిందే.