చిట్ చాట్ - తేజస్విని మదివాడ (బాబు బాగా బిజీ)

అవసరాల శ్రీనివాస్ ప్రధాన పాత్ర పోషించిన చిత్రం 'బాబు బాగా బిజీ'. మే 5న విడుదలవుతోన్న ఈ సినిమా ద్వారా నవీన్ మేడారం దర్శకుడిగా పరిచయం అవుతున్నారు. శ్రీ అభిషేక్ పిక్చర్స్ బ్యానర్ పై అభిషేక్ నామా నిర్మించిన ఈ సినిమాలో ఓ హీరోయిన్ గా నటించింది తేజస్విని మదివాడ. మరో రెండు రోజుల్లో సినిమా విడుదలవుతున్న సందర్భంగా మీడియాతో ఈ సినిమా విశేషాలను పంచుకుంది. ఆ విశేషాలు మీ కోసం...

- హిందీ సినిమాకి రీమేక్ 'బాబు బాగా బిజీ'. రీమేక్ కాబట్టి చాలా బాధ్యతగా సినిమా చేయాలి. హిందీ వెర్షన్ తో కంపేర్ చేస్తారు. కాబట్టి డైరెక్టర్ చాలా శ్రద్ధ పెట్టి ఈ సినిమా చేసారు.

- తెలుగు నేటివిటీకి సరిపడా మార్పులు చేయడం జరిగింది. ఈ మార్పులు ఆడియన్స్ ని మెప్పించే విధంగా ఉండాలి. లేకపోతే హిందీ వెర్షన్ తో పోల్చి విమర్శలు చేస్తారు. అందుకే ప్రతి విషయంలో కేర్ తీసుకున్నారు.

- ఇందులో నేను స్విమ్మర్ పాత్ర చేసాను. ఇప్పటివరకూ ఇలాంటి పాత్ర చేయలేదు. కాలేజ్ టైమ్ లో గర్ల్ ఫ్రెండ్ రోల్. స్పైసీ డైలాగ్స్ కానీ, సీన్స్ కానీ లేవు. ఎక్కడా వల్గార్టీ ఉంటదు.

- అవసరాల చక్కటి కో-స్టార్. డైరెక్టర్ నవీన్ మేడారం, నిర్మాత అభిషేక్ నామా అందరూ కూల్ పర్సన్స్. ఎలాంటి టెన్షన్స్ లేకుండా సినిమా పూర్తి చేసాం. నిర్మాత అబిషేక్ గారు చాలా సపోర్టివ్ గా ఉంటారు. ఇప్పుడు ఆయన నాకు ఓ మంచి మిత్రుడు.

- ఈ సినిమాలో ముగ్గురు హీరోయిన్స్ ఉంటారు. ముగ్గురివీ సమానమైన పాత్రలు. ఎవరి పాత్ర పరిధి మేరకు వారికి ఇంపార్టెన్స్ ఉంది.

- హిందీ వెర్షన్ చూసాను. నా పాత్ర చేసిన అమ్మాయిని ఇన్సిఫిరేషన్ గా తీసుకుని ఇమిటేట్ చేయడానికి ప్రయత్నించాను. నా పాత్రకు అందరికీ నచ్చుతుంది.

- ఓ వెబ్ సిరీస్ లో నటిస్తున్నాను. నందిని రెడ్డిగారు దర్శకత్వంలో రూపొందుతోన్న వెబ్ సిరీస్. ఆవిడ మలిచే అమ్మాయిల పాత్రల తీరుతెన్నులు చాలా బాగుంటాయి. అందుకే వెబ్ సిరీస్ లో నటించడానికి అంగీకరించాను.

- మంచి పాత్రలు చేయడానికి నేనెప్పుడూ నో చెప్పను. ముందు ముందు కూడా మంచి పాత్రలు చేసి ఆడియన్స్ ని ఎంటర్ టైన్ చేస్తాను.