బర్త్ డే ఇంటర్య్వూ - హీరో సందీప్ కిషన్

ప్రస్థానం' చిత్రం ద్వారా టాలీవుడ్ కి పరిచయం అయ్యాడు హీరో సందీప్ కిషన్. ఈ సినిమాలో నెగటివ్ షేడ్ ఉన్న పాత్రను చేసాడు. ఈ పాత్రకు మంచి పేరు వచ్చింది. ఆ తర్వాత రొటీన్ లవ్ స్టోరీ., వెంకటాద్రి ఎక్స్ ప్రెస్, గుండెల్లో గోదారి, రారా కృష్ణయ్య, బీరువా, రన్ చిత్రాల్లో హీరోగా నటించి తనకంటూ ఓ గుర్తింపును తెచ్చుకున్నాడు సందీప్ కిషన్. ఈ రోజు (7.5.2016) సందీప్ కిషన్ పుట్టినరోజు. ప్రస్తుతం 'ఒక్క అమ్మాయి తప్ప' చిత్రంలో హీరోగా నటిస్తున్నాడు. తన పుట్టినరోజు సందర్భంగా మీడియాతో ముచ్చటించాడు సందీప్ కిషన్. ఆ విశేషాలు మీ కోసం...

- ఒక్క అమ్మాయి తప్ప చిత్రంలో నా పాత్ర చాలా ఎనర్జిటిక్ గా ఉంటుంది. ఫన్ గోయింగ్ గై. ఎదుటివాడు ఎలాంటోడు అనే విషయాన్ని తన తెలివి తేటలతో అంచనా వేయగల క్యారెక్టర్. ఈ క్యారెక్టర్ తీర్చిదిద్దిన విధానం చాలా బాగుంటుంది.

- ఈ సినిమాలో 60 శాతం షూటింగ్ హైటిక్ సిటీ, ఫ్లై ఓవర్ల పైన జరిగింది. ట్రాఫిక్ జామ్ అనేది ఈ సినిమాలో మెయిన్ పాయింట్. ఇద్దరు లవర్స్ మధ్య సాగే కథ ఇది. తమకు ఎదురైన సమస్యలను ఎలా ఎదుర్కొన్నారనే అంశానికి కమర్షియల్ ఎలిమెంట్స్ జోడించి సినిమాని రూపొందిండం జరిగింది.

- నేను ఇప్పటివరకూ వర్క్ చేసిన దర్శకుల్లో ఒక అమ్మాయి తప్ప చిత్రం డైరెక్టర్ రాజసింహ ది బెస్ట్ డైరెక్టర్. చాలా క్లారటీ ఉన్న డైరెక్టర్. ఈ సినిమాలోని పాయింట్ ని ఆడియన్స్ ని మెప్పించేలా చేయడం చాలా కష్టం. అలాంటి పాయింట్ మీద మూడేళ్ల పాటు వర్కవుట్ చేసారు ఆయన. ఆ పాయింట్ ని అద్భుతంగా మలిచారు. ఈ పాయింట్ ని తెరకెక్కించిన విధానం కూడా చాలా బాగుంటుంది.

- నెగటివ్ షేడ్ క్యారెక్టర్ తో నా కెరీర్ ఆరంభమయ్యింది. ఇప్పుడు హీరోగా సినిమాలు చేస్తున్నాను కదా అని విలన్ గా సినిమాలు చేయను అనుకుంటే పొరపాటే. కథ నచ్చితే నెగటివ్ రోల్ చేయడానికి నాకేం ఇబ్బంది లేదు.

- క్రియేటివ్ డైరెక్టర్ కృష్ణవంశీ గారి దర్శకత్వంలో సినిమా చేయాలనే కోరిక ఇండస్ట్రీకి వచ్చినప్పట్నుంచి ఉంది. ఆ కోరిక ఇప్పుడు నెరవేరింది. ఆయన దర్శకత్వంలో 'నక్షత్రం' టైటిల్ తో సినిమా చేస్తున్నాను.

- ఈ చిత్రాలు కాకుండా 'మాయవన్' సినిమా చేస్తున్నాను. ఇందులో లావణ్య త్రిపాఠి కథానాయికగా నటించింది. తమిళంలో పొటెన్షియల్ స్టూడియోస్ బ్యానర్ పై ఓ సినిమా చేస్తున్నాను.