చిట్ చాట్ - సినిమాటోగ్రాఫర్ సాయి ప్రకాష్ (వెంకటాపురం)

హ్యాపీడేస్ ఫేం రాహుల్, మహిమా మక్వాన్ జంటగా వేణు దర్శకత్వంలో గుడ్ సినిమా గ్రూప్ పతాకంప శ్రేయాస్ శ్రీనివాస్, తుము ఫణికుమార్ నిర్మించిన 'వెంకటాపురం' చిత్రం ఈ 12న విడుదలవుతోంది. ఈ సందర్భంగా ఈ చిత్ర విశేషాలను 'వెంకటాపురం' సినిమాటోగ్రాఫర్ సాయిప్రకాష్ మీడియాతో పంచుకున్నారు. ఆ విశేషాలు మీ కోసం....

- నేను పుట్టి, పెరిగింది హైదరాబాద్ లోనే. బి.టెక్ చదివాను. సినిమా మీద ఉన్న ఇష్టంతో సుభాష్ ఘయ్ ఫిలిం ఇన్సిట్యూట్ లో సినిమాటోగ్రఫీ రెండేళ్ల కోర్సు చేసాను.

- నా తొలి సినిమా 'జగమే మాయ'. ఈ సినిమా రిలీజ్ అవ్వలేదు. కానీ ఇదే సినిమాకి నేను చేసిన వర్క్ ని చూసి యం.యస్.నారాయణ గారి తనయ శశికిరణ్ ఆమె దర్శకత్వంలో రూపొందిన 'సాహెబా సుబ్రమణ్యం' సినిమాటోగ్రాఫర్ గా వర్క్ చేసే అవకాశం ఇచ్చారు.

- మోసగాళ్లకు మోసగాడు సినిమా చేస్తున్నప్పుడు, ఆ సినిమాకి అసోసియేట్ గా వర్క్ చేసిన వేణుతో పరిచయం ఏర్పడింది. ఆ పరిచయంతోనే 'వెంకటాపురం' చేసే అవకాశం వచ్చింది.

- వెంకటాపురం స్టోరీ లైన్ చెప్పి, రాహుల్ ని హీరోగా తీసుకుంటానని డైరెక్టర్ వేణు చెప్పగానే అతను సూట్ అవ్వడని భావించాను. కానీ రెండేళ్ల తర్వాత ఈ ప్రాజెక్ట్ ని వర్కవుట్ చేసి, రాహుల్ ని హీరోగా తీసుకుని సినిమా చేయడానికి సిద్ధమయ్యాడు వేణు. నన్ను సినిమాటోగ్రాఫర్ గా పుట్టుకున్నాడు.

- హ్యాపీడేస్ చిత్రంలో రాహుల్ చాక్లెట్ బోయ్ లా కనిపించాడు. అందుకు భిన్నంగా 'వెంకటాపురం' చిత్రంలో రాహుల్ కనిపించాలి. అందుకే రాహుల్ గెటప్, లుక్, బాడీ లాంగ్వేజ్ పై బాగా వర్కవుట్ చేసాం.

- ఈ చిత్రం షూటింగ్ ఎక్కువ శాతం వైజాగ్ లో జరిగింది. వైజాగ్ బ్యాక్ డ్రాప్ లో ఈ చిత్రం స్టోరీ లైన్ సాగుతుంది. సినిమా చాలా బాగా వచ్చింది. ఆడియన్స్ ఖచ్చితంగా థ్రిల్ ఫీలవుతారు.

- నాకు, డైరెక్టక్ వేణుకి, హీరో రాహుల్ కి ఈ సినిమా మంచి పేరు తెచ్చిపెడుతుంది. గుడ్ సినిమా గ్రూప్ 'వెంకటాపురం' తో మరో సక్సెస్ ని అందుకుంటారు.