అఖిల్ 2వ సినిమా టైటిల్, లుక్ రిలీజ్ చేసిన నాగ్.. థాట్ అదిరింది!

అక్కినేని హీరో అఖిల్ ప్రస్తుతం తన రెండో సినిమాతో బిజీగా ఉన్నాడు. విక్రమ్ కుమార్ దర్శకత్వంలో రూపొందుతోన్న ఈ సినిమా టైటిల్ గురించి చాలా వార్తలు ప్రచారమయ్యాయి. 'జున్ను', 'ఎక్కడ ఎక్కడ ఉందో తారక', 'రంగుల రాట్నం' టైటిల్స్ ఈ సినిమా కోసం ప్రచారమయ్యాయి. అయితే ఈ టైటిల్స్ ఏవీ అఖిల్ సినిమాకి పెట్టలేదు. కింగ్ నాగార్జున తన ట్విట్టర్ ద్వారా ఈ సినిమా కోసం అనుకుంటున్న టైటిల్ గురించి ఓ హింట్ ఇచ్చారు.

''హలో గురూ ప్రేమ కోసమేరోయ్ జీవితం'' అనే పాటను నాగ్ తన ట్విట్టర్ లో పోస్ట్ చేసారు. ఈ టైటిల్ నుంచే అఖిల్ సినిమా టైటిల్ ఉంటుందని హింట్ ఇచ్చారు నాగ్. అంతే ఎవరికి తోచిన విధంగా వారు 'హలో', 'ఫ్రేమ కోసమేరోయ్ జీవితం', 'హలో గురూ'... టైటిల్స్ ని ఊహించుకున్నారు. అయితే ఈ చిత్రం టైటిల్ 'హలో' అని కన్ ఫార్మ్ చేస్తూ ఫస్ట్ లుక్ కూడా రిలీజ్ చేసారు. అఖిల్ ఫస్ట్ లుక్ అదిరింది. టైటిల్ కూడా బాగుంది. అక్కినేని అబిమానుల నుంచి ఈ టైటిల్, ఫస్ట్ లుక్ పట్ల ఎలాంటి రెస్సాన్స్ వస్తుందో వేచిచూద్దాం. ఎన్టీఆర్, రాంచరణ్, సూర్య, రానా, నాని, నాగచైతన్య, సమంత, రకుల్, కాజల్, శృతిహాసన్ లతో పాటు రాజమౌళి ఫైనల్ గా అక్కినేని నాగేశ్వరరావుగారు 'హలో' చెబుతున్న క్లిప్పింగ్స్ తో ఓ వీడియోని నాగ్ తన ట్విట్టర్ లో పోస్ట్ చేసి ఇన్నోవేటివ్ గా అఖిల్ రెండో చిత్రానికి సంబంధించిన టైటిల్ ని, లుక్ ని రివీల్ చేసారు. ఐడియా అదిరింది గురూ...!