మెగా డాటర్ ప్రేమ, పెళ్లి.. నిజమెంత?

మెగా డాటర్ నిహారిక ప్రేమ, పెళ్లికి సంబంధించి ఓ వార్త సోషల్ మీడియాలో పెద్ద ఎత్తున హల్ చల్ చేస్తున్న విషయం తెలిసిందే. హీరో విజయ్ దేవరకొండ గత కొంతకాలంగా నిహారికతో డేటింగ్ లో ఉన్నాడని, వీరి పెళ్లికి పెద్దలు అంగీకరించారని, త్వరలోనే ఈ ఇద్దరూ పెళ్లి చేసుకోబోతున్నారనే వార్తలు పెద్ద ఎత్తున ప్రచారమవుతున్నాయి. ఈ నేపధ్యంలో దీనికి సంబంధించి క్లారటీ ఇచ్చాడు హీరో విజయ్ దేవరకొండ.

నిహారిక నటించిన 'సూర్యకాంతం' చిత్రం ఫ్రీ రిలీజ్ వేడుకకు విజయ్ దేవరకొండ ముఖ్య అతిధిగా అటెండ్ అయ్యాడు. ఈ వేడుకలో నిహారికకు తాను పెద్ద అన్న అని ప్రకటించాడు విజయ్ దేవరకొండ. యుట్యూబ్ చానెల్స్ లో నిహారికతో నేను డేటింగ్ లో ఉన్నాననే వార్తలను చూసాను. అందుకే ఈ వార్తకు సంబంధించి క్లారటీ ఇస్తున్నాను. నిహారికకు నేను అన్నయ్యను. దీన్నిబట్టి మీరు అర్ధం చేసుకోవచ్చు అని చెప్పాడు విజయ్ దేవరకొండ.

నిహారిక కూడా విజయ్ దేవరకొండ మాటల పట్ల స్పందిస్తూ - విజయ్ దేవరకొండను ఇంతకుముందు నేను కలవలేదు. విజయ్ దేవరకొండ నన్ను చెల్లెలుగా సంభోదించడం పట్ల చాలా హ్యాపీగా ఉన్నాను. తనపై రెస్పెక్ట్ పెరిగింది. విజయ్ దేవరకొండ స్పందించిన విధానంలోనే మా మధ్య ఉన్న బంధం ఏంటో తేట తెల్లమయ్యింది. ఇక ఈ టాపిక్ కి ఫుల్ స్టాప్ పడిపోతుందని భావిస్తున్నాను అని చెప్పింది.

సో... విజయ్, నిహారిక డేటింగ్, పెళ్లికి సంబంధించి క్లారటీ వచ్చినట్టే కదా...!