'కథానాయకా..' అద్భుతం మహాద్భుతం..!

'కథానాయక..' లిరిక్ తో సాగే టైటిల్ సాంగ్ ని విడుదల చేసింది 'ఎన్టీఆర్ బయోపిక్' చిత్రం యూనిట్. 'ఘనకీర్తి సాంద్ర విజితాఖిలాంద్ర జనతా సుధీంద్ర మణిదీపకా.. ఘనకీర్తి సాంద్ర విజితాఖిలాంద్ర జనతా సుధీంద్ర మణిదీపకా త్రిషతకాధికా చిత్రమాలికా.. జైత్రయాత్రికా.... కథానాయక' అంటూ సాగ్ ఈ పాటకి యూనానిమస్ గా సూపర్ రెస్పాన్స్ వచ్చింది. నందమూరి అభిమానులతో పాటు, సినీప్రియులు అదరహో అంటున్నారు.

అన్నగారి జీవితచరిత్రను, ఆయన చేసిన పాత్రలను స్మరించుకునే విధంగా ఈ పాటను రచించారు శివశక్తి దత్తా - రామకృష్ణ. అద్భుతమైన ట్యూన్ ని సమకూర్చారు కీరవాణి. ఈ పాటను కైలాస్ ఖేర్ పాడారు. లిరిక్, ట్యూన్, గాత్రం... అన్ని పర్ ఫెక్ట్ గా కుదరడంతో ఈ పాటకు అదిరిపోయే రెస్పాన్స్ వస్తోంది. పాట చివరి విజువల్స్ లో ఎన్టీఆర్ వీరరసం ఒలికిస్తున్న గెటప్ ని ఆవిష్కరించడం సూపర్బ్ అని చెప్పాలి. మొత్తం మీద ఫస్ట్ సింగిల్ తో మరింతగా ఈ సినిమాపై అంచనాలు పెంచేసారు డైరెక్టర్ క్రిష్.

లెజండరీ యాక్టర్, మహానాయకుడు ఎన్టీఆర్ జీవితచరిత్ర ఆధారంగా తెరకెక్కుతోన్న చిత్రం ఎన్టీఆర్ బయోపిక్. రెండు పార్ట్ లుగా తెరకెక్కుతోన్న ఈ సినిమా ఎన్టీఆర్ - కథానాయకుడు' టైటిల్ తో ఫస్ట్ పార్ట్ రాబోతోంది. రెండో పార్ట్ 'ఎన్టీఆర్ - మహానాయకుడు' టైటిల్ తో విడుదలకానుంది. జాగర్లమూడి రాధాకృష్ణ (క్రిష్) దర్శకత్వంలో తెరకెక్కుతోన్న ఈ సినిమాలో నందమూరి నటసింహం బాలకృష్ణ తండ్రి ఎన్టీఆర్ పాత్రను పోషిస్తున్నారు. యన్.బి.కె.ఫిలిమ్స్, వారాహి చలనచిత్రం, విబ్రి మీడియా సంయుక్తంగా నిర్మిస్తున్న ఈ చిత్రం ఫస్ట్ పార్ట్ సంక్రాంతి కానుకగా జనవరి 9న థియేటర్స్ కి రానుంది. ఈ రోజు 'ఎన్టీఆర్-కథానాయకుడు' లోని ఫస్ట్ సింగిల్ ని విడుదల చేసారు. సినిమా విడుదలకు 40 రోజుల మాత్రమే ఉండటంతో ప్రమోషన్ కార్యక్రమాలతో జోరు పెంచి సినిమాపై అంచనాలను పెంచేస్తున్నారు.