ఇద్దరు కాదు, ముగ్గురితో రాజమౌళి.. #RRR తాజా అప్ డేట్!

ఇద్దరు స్టార్ హీరోలు ఎన్టీఆర్, రాంచరణ్ తో సినిమా చేయడానికి స్టార్ డైరెక్టర్ రాజమౌళి శ్రీకారం చుట్టారనే వార్త బయటికి పొక్కగానే టాలీవుడ్, సినీప్రియులు, హీరోల అభిమానులు, ట్రేడ్ వర్గాలు సంభ్రమాశ్చర్యాలకు గురయ్యారు. ఇక ఈ సినిమా కి సంబంధించి వస్తున్న ప్రతి అప్ డేట్ ని ఆసక్తిగా గమనిస్తున్నారు.

తాజా వార్తల ప్రకారం ఈ సినిమా ప్రారంభోత్సవ కార్యక్రమాన్ని నవంబర్ 5న జరపడానికి ముహూర్తం ఫిక్స్ చేసారట. నవంబర్ 18 నుంచి రెగ్యులర్ షూటింగ్ ఆరంభంకానుందని సమాచారమ్. ఈ సినిమా కోసం భారీ సెట్స్ కూడా రెడీ అయిపోయాయట. ఇదిలా ఉంటే...

ఈ సినిమాలో ఎన్టీఆర్ సరసన ఓ హీరోయిన్, రాంచరణ్ సరసన ఓ హీరోయిన్ నటిస్తుందని అందరూ భావించారు. ఈ స్టార్ హీరోలతో జత కట్టబోయే ఆ స్టార్ హీరోయిన్లు ఎవరా అనే ఆసక్తి అందరిలో ఉంది. అయితే హీరోయిన్లు ఎవరనే విషయం బయటికి రాలేదుగానీ, ఇద్దరు కాదు, ఈ సినిమాలో ముగ్గురు హీరోయిన్లు ఉంటారనే వార్త బయటికి వచ్చింది. ఓ హీరోయిన్ విదేశీ ముద్దుగుమ్మ అని సమాచారమ్. మరో ఇద్దరు హీరోయిన్లు కూడా ఆల్ మెస్ట్ ఫైనలైజ్ అయినట్టేనని తెలుస్తోంది. సో... ఇద్దరు స్టార్ హీరోలు, ముగ్గురు స్టార్ హీరోయిన్లు, ప్రముఖ సహ నటీనటులతో ఈ సినిమా భారీ తారాగాణంతో తెరకెక్కనుందని ఊహించవచ్చు. దాదాపు 300కోట్ల భారీ బడ్జెట్ తో ఈ చిత్రం తెరకెక్కనుంది. మరో విజువల్ వండర్ రాజమౌళి దర్శకత్వంలో రూపుదిద్దుకోనుందని ఫిక్స్ అయిపోవచ్చు.