ఎన్టీఆర్ 67 అయితే, ఏఎన్నార్ 7.. ఎన్టీఆర్ బయోపిక్ క్రేజీ అప్ డేట్!

విశ్వవిఖ్యాత నటసార్వభౌముడు, లెజండరీ యాక్టర్, పొలిటిషియన్ నందమూరి తారకరామారావుగారి జీవిత చరిత్రతో తెరకెక్కుతోన్న 'ఎన్టీఆర్' బయోపిక్ షూటింగ్ శరవేగంగా జరుగుతోన్న విషయం తెలిసిందే. క్రిష్ దర్శకత్వంలో తెరకెక్కుతోన్న ఈ సినిమా షూటింగ్ ని డిసెంబర్ ఫస్ట్ వీక్ కల్లా పూర్తి చేయాలనే టార్గెట్ తో చిత్రం యూనిట్ ఉంది. వచ్చే యేడాది జనవరి 9న ప్రపంచ వ్యాప్తంగా ఈ సినిమా భారీ ఎత్తున విడుదలకానుంది. ఇదిలా ఉంటే ఈ సినిమాకి సంబంధించి ఓ క్రేజీ అప్ డేట్ బయటికి వచ్చింది. అదేంటంటే...

ఈ సినిమాలో ఎన్టీఆర్ గా నటిస్తున్న నందమూరి నటసింహం బాలకృష్ణ దాదాపు 67 గెటప్పుల్లో కనిపించబోతున్నారట. ఈ విషయాన్ని స్వయంగా బాలయ్య ఓ సందర్భంలో బయటపెట్టారు. తాజాగా ఈ సినిమాలో మరో లెజండరీ యాక్టర్ అక్కినేని నాగేశ్వరరావు గారి పాత్రకు సంబంధించి ఆసక్తికరమైన విషయం తెలిసింది. నాగేశ్వరరావుగారి పాత్రను పోషిస్తున్న ఆయన మనవడు సుమంత్ 7 గెటప్పుల్లో కనిపించబోతున్నారట. ఈ విషయాన్ని స్వయంగా సుమంత్ చెప్పాడు. 30 నుండి 65 యేళ్ల నాగేశ్వరరావుగారిని ఈ సినిమాలో చూడొచ్చట. ఎన్టీఆర్, ఏఎన్నార్ కాంబినేషన్ సీన్స్ పట్ల డైరెక్టర్ క్రిష్ ప్రత్యేకమైన శ్రద్ధ తీసుకుని తీర్చిదిద్దారని సమాచారమ్. సో... ఎన్టీఆర్ అభిమానులనే కాదు, ఏఎన్నార్ అభిమానులను సైతం 'ఎన్టీఆర' బయోపిక్ ఎగ్జయిటింగ్ కి గురి చేస్తుందని చెప్పొచ్చు.