శశిలలిత లుగా తెరపై కనిపించేది ఎవరు.. పబ్లిసిటి స్టంటేనా?

'లక్ష్మీస్ వీర గ్రంథం' టైటిల్ తో కేతిరెడ్డి జగదీశ్వరరెడ్డి ఓ సినిమా చేయడానికి ప్రయత్నాలు చేస్తున్న విషయం తెలిసిందే. వీరగ్రంథం సుబ్బారావు రెండో భార్యగా ఆయన జీవితంలోకి లక్ష్మీపార్వతి ప్రవేశించడంతో పాటు కొన్ని యదార్థ సంఘటనల ఆధారంగా ఈ చిత్ర కథాంశం ఉంటుందని చెప్పాడు కేతిరెడ్డి. ఎన్టీఆర్ ఘాటులో ఈ చిత్రం ప్రారంభోత్సవం జరిపిన కేతిరెడ్డి, ఎన్టీఆర్ సొంత ఊరు నిమ్మకూరులో షూటింగ్ చేయడానికి ప్రయత్నాలు చేసాడు. అయితే ఇప్పటివరకూ ఈ సినిమా రెగ్యులర్ షూటింగ్ అయితే ఆరంభమవ్వలేదు. దాంతో ఈ హడావిడి అంతా పబ్లిసిటీ స్టంట్ అని, కేతిరెడ్డి ఈ సినిమాని ముందుకు తీసుకెళతాడనే అనుమానాన్ని వ్యక్తపరుస్తున్నారు. ఇంకా ఈ సినిమా విషయంలోనే పూర్తి క్లారటీ ఇవ్వని కేతిరెడ్డి, తాజాగా జయలలిత, శశికళ జీవితాలను ఆధారంగా తీసుకుని సినిమా నిర్మిస్తానని ప్రకటించాడు.

'శశిలలిత' టైటిల్ తో ఈ చిత్రాన్ని తెరకెక్కిస్తున్నట్టు కేతిరెడ్డి తెలిపాడు. జయలలితకు జరిగిన ట్రీట్ మెంట్, జయలలిత జీవితంలో శశికళ పాత్ర గురించి ఈ సినిమాలో చూపించడం జరుగుతుందని చెప్పాడు. దాంతో ఈ సినిమాలో జయలలిత, శశికళ పాత్రలు ఎవరు చేస్తారనే చర్చ జరుగుతోంది. మరి ఈ సినిమా కూడా కేతిరెడ్డి పబ్లిసిటీ స్టంట్ లో భాగంగా ప్రకటించిందేనా, నిజంగానే ఈ చిత్రం సెట్స్ పైకి వెళుతుందా వేచి చూడాల్సిందే.