రాంచరణ్, బోయపాటి #RC12 షాకింగ్ అప్ డేట్!

మెగా పవర్ స్టార్ రాంచరణ్ హీరోగా మాస్ డైరెక్టర్ బోయపాటి శ్రీను దర్శకత్వంలో తెరకెక్కుతోన్న #RC12 చిత్రానికి సంబంధించి ప్రచారమవుతున్న ఓ వార్త అటు మెగాభిమానులతో పాటు సినీప్రియులను షాకింగ్ కి గురి చేస్తోంది. విషయమేంటంటే... ఈ సినిమా విడుదల వాయిదా పడిందని ఫిల్మ్ నగర్ టాక్. ఇదే కనుక నిజమైతే నిరాశపరిచే వార్త అని ప్రత్యేకంగా చెప్పక్కర్లేదు.

సంక్రాంతి కానుకగా జనవరి 11న ఈ చిత్రాన్ని విడుదల చేస్తున్నట్టు ప్రకటించారు. అయితే ఇప్పటివరకూ షూటింగ్ పూర్తవ్వకపోవడంతో ఈ సినిమా విడుదలపై నీలినీడలు కమ్ముకున్నాయి. తాజాగా ఈ సినిమా బ్యాలెన్స్ షూటింగ్ ని కూల్ గా చేద్దామని రాంచరణ్ అంటున్నాడట. ఇంకా 30 నుంచి 25 రోజుల షూటింగ్ బ్యాలెన్స్ ఉందట. ఈ నేపధ్యంలో సినిమా విడుదలను వాయిదా వేద్దామని రాంచరణ్, బోయపాటి ఫిక్స్ అయిపోయారని వార్తలు హల్ చల్ చేస్తున్నాయి. పైగా నవంబర్ లో సెట్స్ పైకి వెళుతున్న #RRR సినిమా షూట్ లో పాల్గొనడానికి రాంచరణ్ గ్రీన్ సిగ్నల్ ఇచ్చేసాడు. దాంతో #RC12 రిలీజ్ వాయిదా వేయడానికి నిర్ణయించుకోవడం వల్లే రాంచరణ్ కూల్ గా రాజమౌళి సినిమాకి డేట్స్ కేటాయించేసాడని కూడా చెప్పకుంటున్నారు. ఈ వార్తల్లో ఎంతవరకూ నిజముందో తెలియాలంటే, #RC12 యూనిట్ నుంచి అధికారిక ప్రకటన రావాల్సి ఉంది. మరి సంక్రాంతి రేస్ నుంచి తమ అభిమాన హీరో రాంచరణ్ సినిమా తప్పుకుంటుందనే వార్త నిజమైతే, మెగాభిమానులు ఎలా రియాక్ట్ అవుతారో వేచి చూడాల్సిందే.