శ్రీను వైట్ల కి ఆ హీరోతో సినిమా కన్ ఫార్మ్ అవ్వలేదా?

'ఆగడు', 'బ్రూస్ లీ', 'మిస్టర్', 'అఅఆ'... ఈ నాలుగు సినిమాలు డైరెక్టర్ శ్రీను వైట్ల కెరీర్ ని డైలమాలో పడేసాయి. వరుస ఫ్లాపులతో ఇక శ్రీను వైట్ల కెరియర్ ముగిసిపోయినట్టేనని జనాలు మాట్లాడుకుంటున్నారు. అయితే శ్రీను వైట్ల ఓ స్టెప్ తీసుకున్నాడు. ఈ స్టెప్ వల్ల అతను మళ్లీ సక్సెస్ ట్రాక్ ఎక్కుతాడని ఫిల్మ్ నగర్ వర్గాలు చెప్పుకుంటున్నాయి. ఇంతకీ అతను తీసుకున్న స్టెప్ ఏంటీ అనే వివరాల్లోకి వెళితే...

శ్రీను వైట్ల, కోన వెంకట్, గోపీ మోహన్... ఈ ముగ్గురూ కలిసి టీమ్ గా వర్క్ చేసినప్పుడు సక్సెస్ లు చవిచూసారు. 'దూకుడు' వరకూ కలిసి వర్క్ చేసిన ఈ ముగ్గురూ ఇగో క్లాష్ లతో విడిపోయారు. ఈ ఇద్దరినీ వీడిన తర్వాత శ్రీను వైట్ల చేసిన సినిమాలు వరుసగా పరాజయం పాలవుతున్నాయి. ఇప్పుడు ఈ ఇద్దరితో కలిసిపోయాడు శ్రీను వైట్ల. ఈ నేపధ్యంలో శ్రీను వైట్ల, కోన వెంకట్, గోపీ మోహన్ మళ్లీ కలిసి ఓ ప్రాజెక్ట్ కోసం వర్క్ చేయబోతున్నారు. గోపీ మోహన్ కథ, కోన వెంకట్ డైలాగ్స్, శ్రీను వైట్ల దర్శకత్వంలో ఓ ప్రాజెక్ట్ కి రంగం సిద్ధమవుతోందట.

కాగా ఈ ప్రాజెక్ట్ అఖిల్ అక్కినేనితో ఉంటుందని, శ్రీను వైట్ల తదుపరి సినిమా హీరో అఖిల్ అని వార్తలు ప్రచారమవుతున్నాయి. ఈ వార్తల్లో నిజంలేదట. ఇంకా శ్రీను వైట్లకి హీరో సెట్ అవ్వలేదట. ఓ హీరోతో సంప్రదింపులు జరుపుతున్నారని, త్వరలోనే అధికారిక ప్రకటన వచ్చే అవకాశముందని సమాచారమ్. మరి ఆ హీరో ఎవరో తెలుసుకోవాలంటే కొన్నాళ్లు ఆగాల్సిందే.