హిట్ కాంబినేషన్ రిపీట్.. శ్రీను వైట్లతో ఆ హీరో!

'ఆగడు', 'బ్రూస్ లీ', 'మిస్టర్', 'అఅఆ'... ఈ నాలుగు సినిమాలు డైరెక్టర్ శ్రీను వైట్ల కెరీర్ ని డైలమాలో పడేసాయి. వరుస ఫ్లాపులతో ఇక శ్రీను వైట్ల కెరియర్ ముగిసిపోయినట్టేనని జనాలు మాట్లాడుకుంటున్నారు. అయితే శ్రీను వైట్ల ఓ స్టెప్ తీసుకున్నాడు. ఈ స్టెప్ వల్ల అతను మళ్లీ సక్సెస్ ట్రాక్ ఎక్కుతాడని ఫిల్మ్ నగర్ వర్గాలు చెప్పుకుంటున్నాయి. ఇంతకీ అతను తీసుకున్న స్టెప్ ఏంటీ అనే వివరాల్లోకి వెళితే...

శ్రీను వైట్ల, కోన వెంకట్, గోపీ మోహన్... ఈ ముగ్గురూ కలిసి టీమ్ గా వర్క్ చేసినప్పుడు సక్సెస్ లు చవిచూసారు. 'దూకుడు' వరకూ కలిసి వర్క్ చేసిన ఈ ముగ్గురూ ఇగో క్లాష్ లతో విడిపోయారు. ఈ ఇద్దరినీ వీడిన తర్వాత శ్రీను వైట్ల చేసిన సినిమాలు వరుసగా పరాజయం పాలయ్యాయి. ఈ నేపధ్యంలో ఈ ఇద్దరితో కలిసిపోయాడు శ్రీను వైట్ల. ఈ ముగ్గురూ కలిసి ఓ ప్రాజెక్ట్ కోసం వర్క్ చేసారట. గోపీ మోహన్ కథ, కోన వెంకట్ డైలాగ్స్, శ్రీను వైట్ల దర్శకత్వంలో ఓ ప్రాజెక్ట్ కి రంగం సిద్ధమవుతోందట. ఇటీవలే వీరు రెడీ చేసిన స్ర్కిఫ్ట్ తో ఓ హీరోని కలవడం, ఆ హీరో స్ర్కిఫ్ట్ విని గ్రీన్ సిగ్నల్ ఇవ్వడం జరిగిందని తెలుస్తోంది. ఈ హీరో, శ్రీను వైట్ల కాంబినేషన్ లో సూపర్ డూపర్ హిట్ సినిమా తెరకెక్కింది. మళ్లీ ఈ హిట్ కాంబినేషన్ రిపీట్ కానుందని విశ్వసనీయమైన సమాచారమ్. త్వరలోనే ఈ ప్రాజెక్ట్ కి సంబంధించి అధికారిక ప్రకటన వెలువడే అవకాశముందని ఫిల్మ్ నగర్ టాక్.