ఖైదీ నెం.150 కోసం సూపర్ ప్లాన్.. ఫ్యాన్స్ కి పండగే!

మెగాస్టార్ చిరంజీవి 'ఖైదీ నెం.150' చిత్రాన్ని సంక్రాంతి కానుకగా జనవరి 11న గ్రాండ్ గా విడుదల చేయడానికి సన్నాహాలు జరుగుతున్న విషయం తెలిసిందే. డిసెంబర్ 18న ఈ చిత్రం ఆడియో వేడుకను ఘనంగా జరపబోతున్నారట. మెగా పవర్ స్టార్ రాంచరణ్ నిర్మాత కావడంతో ఈ సినిమా విషయంలో ఎక్కడా కాంప్రమైజ్ అవ్వడంలేదు. తన తండ్రి రీ ఎంట్రీ గ్రాండ్ గా ఉండాలని భావిస్తున్న రాంచరణ్ ఈ చిత్రం ప్రమోషనల్ కార్యక్రమాల గురించి చాలా కేర్ తీసుకుంటున్నాడట. ఇందులో భాగంగా ఈ చిత్రానికి ఓ స్పెషల్ అట్రాక్షన్ ని యాడ్ చేయడానికి సంగీత దర్శకుడు దేవిశ్రీ ప్రసాద్, రాంచరణ్ ప్లాన్ చేసారని సమాచారమ్. అదేంటంటే...

ఈ సినిమా కోసం ఓ ప్రమోషనల్ సాంగ్ చేయబోతున్నారట. ప్రమోషనల్ సాంగ్స్ ఎక్కువగా హిందీ సినిమాల కోసం చేస్తుంటారు. అల్లు అర్జున్ జులాయి కోసం దేవిశ్రీ ప్రసాద్ 'పకడో పకడో' సాంగ్ చేసాడు. ఈ ప్రమోషనల్ సాంగ్ కి దేవి, అల్లు అర్జున్ డ్యాన్స్ చేసారు. ఇప్పుడు ఖైదీ నెం.150 వ సినిమా కోసం ఓ ప్రమోషనల్ సాంగ్ స్వరపరిచి, అందులో చిరుతో కలిసి రాంచరణ్ చిందేసేలా ప్లాన్ చేసారట. చిరు, చరణ్ కలిసి ఓ పాటకు డ్యాన్స్ చేస్తే అభిమానులకు పండగలా ఉంటుంది. ఈ పాటను ప్రమోషన్ కోసం ఉపయోగిస్తే... ఫుల్ పబ్లిసిటీ ఖాయం. సినిమా ఎండింగ్ రోలింగ్ టైటిల్స్ లో ఈ పాటను యాడ్ చేయబోతున్నారట. అతి త్వరలో ఈ ప్రమోషనల్ సాంగ్ ని చిత్రీకరించబోతున్నారని సమాచారమ్.