ఉయ్యాల మోషన్ పోస్టరే కాదు.. అంతకుమించి ప్లాన్ చేస్తున్నచరణ్!

మెగాస్టార్ చిరంజీవి 151వ చిత్రం 'ఉయ్యాలవాడ నరసింహారెడ్డి' చిత్రం ప్రారంభోత్సవం ఇటీవల జరిగిన సంగతి తెలిసిందే. కాగా చిరు పుట్టినరోజునాడు (ఆగస్ట్ 22) ఈ చిత్రానికి సంబంధించిన మోషన్ పోస్టర్ ని విడుదల చేస్తామని అధికారికంగా ప్రకటించారు. ప్రకటించిన ప్రకారం మోషన్ పోస్టర్ ని గ్రాండ్ గా విడుదల చేయడానికి సన్నాహాలు చేస్తున్నారని సమాచారమ్.

ఈ మోషన్ పోస్టర్ మెగాభిమానులకు పెద్ద ట్రీట్ లా ఉండాలని భావిస్తున్నాడట చరణ్. అందుకే మాములుగా ట్విట్టర్, ఫేస్ బుక్ ద్వారా మోషన్ పోస్టర్ ని విడుదల చేసేయకుండా, పెద్ద ఎత్తున ఓ ఈవెంట్ ని జరపడానికి ప్లాన్ చేస్తున్నారని తెలుస్తోంది. ఈ ఈవెంట్ లో పలువురు సెలబ్రెటీస్ పాల్గొనబోతున్నారట. స్టార్ డైరెక్టర్స్ కూడా ఈ ఈవెంట్ కి అటెండ్ అవ్వబోతున్నారట. ఇప్పటికే సెలెక్టెడ్ పర్సన్స్ కి ఇన్విటేషన్స్ కూడా వెళ్లిపోయాయట. ఇక స్టార్ డైరెక్టర్ రాజమౌళి 'ఉయ్యాలవాడ నరసింహారెడ్డి' మోషన్ పోస్టర్ ని ఈ ఈవెంట్ లో విడుదల చేయబోతున్నారని వార్తలు అందుతున్నాయి. కేవలం ఈ ఒక్క మోషన్ పోస్టర్ మాత్రమే కాదు... ఈ చిత్రంలో కీలక పాత్రలకు సంబంధించిన స్కెచ్ లను కూడా రివీల్ చేయబోతున్నారట. సురేందర్ రెడ్డి దర్శకత్వంలో తెరకెక్కనున్న ఈ సినిమాలో బిగ్ బి అమితాబ్ బచ్చన్ ఓ కీలక పాత్ర చేయబోతున్నారట. ఐశ్వర్యరాయ్, నయనతారను ఇప్పటికే హీరోయిన్లుగా కన్ ఫార్మ్ చేసారని తెలుస్తోంది. ఏ.ఆర్,రహమాన్ ఈ చిత్రానికి సంగీతం సమకూర్చబోతున్నారని ఫిల్మ్ నగర్ టాక్. సో... చిరు 151వ చిత్రం ప్లానింగ్ మాములుగా లేదు. చాలా గ్రాండియర్ గా ఈ సినిమాని ప్లాన్ చేస్తున్నారని ఊహించవచ్చు.