చిత్రం - డిటెక్టివ్ కార్తీక్
నటీనటులు - రజత్ రాఘవ్, గోల్డీ నిస్సీ, శృతి మోల్, అనూష నూతల, మ్యాడి, అభిలాష్ బండారి తదితరులు
రచన, దర్శకత్వం - వెంకట్ నరేంద్ర
సహ నిర్మాత - పార్ధు రెడ్డి
నిర్మాత - అశోక్ రెడ్డి తాటిపర్తి
బ్యానర్ - రీడింగ్ ల్యాంప్ క్రియేషన్స్
సినిమాటోగ్రఫీ - సిద్ధం నరేష్
ఎడిటింగ్ - కార్తిక్ కట్స్
సంగీతం - మార్కస్ యం
పిఆర్ఓ - జియస్ కె మీడియా
రజత్ రాఘవ్, గోల్డీ నిస్సీ, శృతి మోల్ ప్రధాన పాత్రల్లో వెంకట్ నరేంద్ర దర్శకత్వంలో తెరకెక్కిన చిత్రం 'డిటెక్టివ్ కార్తీక్'. మర్డర్ మిస్టరీ నేపథ్యంలో రూపొందిన ఈ సినిమా థియేటర్స్ కి వచ్చేసింది. మరి ఈ సినిమా ఎలా ఉంది... ఆడియన్స్ ని మెప్పిస్తుందా రివ్య్వూ ద్వారా తెలుసుకుందాం.
కథ
స్కూల్ స్టూడెంట్ రిషిత హత్యకు గురవుతుంది. ఈ హత్యను చేధించడానికి ప్రైవేట్ డిటెక్టివ్ లు అయిన సంధ్య (శృతి మోల్), పల్లవి (గోల్డీ నిస్సీ) ప్రయత్నాలు మొదలుపెడతారు. సంధ్యను ప్రేమిస్తున్న కార్తీక్ (రజత్ రాఘవ) ఆమెను ఫాలో అవుతుంటాడు. ఈ క్రమంలో సంధ్య మిస్ అవుతుంది. సంధ్య మిస్సింగ్ ను కనిపెట్టే పనిలో పడిన కార్తీక్ కి పలు ఇంట్రస్టింగ్ విషయాలు తెలుస్తాయి. ఆ ఇంట్రస్టింగ్ విషయాలు ఏంటీ... సంధ్య ఎలా మిస్ అవుతుంది... రిషిత ను హత్య చేసింది ఎవరు తెలుసుకోవాలంటే సినిమా చూడాల్సిందే.
నటీనటుల పెర్ ఫామెన్స్
డిటెక్టివ్ కార్తీక్ పాత్రలో నటించిన రజత్ రాఘవ్ చక్కటి నటన కనబర్చాడు. సెటిల్డ్ గా నటించి మెప్పించాడు. ఫీమేల్ లీడ్స్ శృతి మోల్, గోల్డీనిస్సీ తమ పాత్రలకు పూర్తి న్యాయం చేసారు. కార్తీక్ ఫ్రెండ్ పాత్రలో నటించిన హరి, నెగటివ్ షేడ్ క్యారెక్టర్ లో నటించిన భరత్ బండారి కూడా అద్భుతంగా నటించి మెప్పించారు. మిగతా నటీనటులందరూ తమ పాత్రల పరిధిమేరకు నటించారు.
సాంకేతిక వర్గం
మర్డర్ కేసుతో ప్రారంభమైన ఈ సినిమాను పలు ట్విస్ట్ లతో గ్రిప్పింగ్ స్ర్కీన్ ప్లే తో చాలా చక్కగా తెరకెక్కించారు డైరెక్టర్ నరేంద్ర. మర్డర్ మిస్టరీ లకు సాంగ్స్ స్పీడ్ బ్రేకర్స్ లాంటివి. ఈ సినిమాలో ఒక్క పాట మాత్రమే ఉంది. బ్యాక్ గ్రౌండ్ స్కోర్ తో ఈ సినిమాని చాలా చక్కగా ఆడియన్స్ కి కనెక్ట్ అయ్యేలా చేయగలిగారు సంగీత దర్శకుడు. పెద్ద పెద్ద లొకేషన్స్ లేవు. న్యాచురల్ లొకేషన్స్ లోనే చాలా చక్కటి విజువల్స్ ని క్యాప్చర్ చేసి వావ్ అనిపించారు సినిమాటోగ్రాఫర్. నిర్మాణ విలువలు బాగున్నాయి.
ఫిల్మీబజ్ విశ్లేషణ
సింఫుల్ స్టోరీ లైన్ అయినప్పటికీ, ట్విస్ట్ లతో చాలా ఆసక్తికరంగా ఈ సినిమాని తెరకెక్కించడం జరిగింది. దాంతో ఆడియన్స్ ఎక్కడా బోర్ ఫీలవ్వరు. థ్రిల్లర్ జోనర్ సినిమాలను ఇష్డపడే ఆడియన్స్ ఎక్కువగానే ఉంటారు. ఇలాంటి జోనర్ ఇష్డపడే ఆడియన్స్ కి ఈ సినిమా బాగా కనెక్ట్ అవుతుంది. ఇలాంటి సినిమాలకు సాంగ్స్, కామెడీ సీన్లు అస్సలు నప్పవు. ఈ విషయంలో కేర్ తీసుకుని ఇలాంటి సీన్స్ లేకుండా జాగ్రత్త పడ్డారు డైరెక్టర్, దాంతో సినిమా చాలా స్పీడ్ గా అయిపోయిన ఫీలింగ్ కలుగుతుంది. ఓ ట్విస్ట్ తో సర్ ప్రైజ్ అయిన ఆడియన్స్ ఇమ్మీడియట్ గా మరో ట్విస్ట్ రావడంతో పూర్తిగా సినిమాలో ఇన్ వాల్వ్ అయిపోతారు. ఒవరాల్ గా డిటెక్టివ్ కార్తీక్ అందరినీ మెప్పించే చిత్రం.
ఫిల్మీబజ్ రేటింగ్ - 3.25/5
