విరాజ్ అశ్విన్, పాయల్ రాజ్‌పుత్‌, సిమ్ర‌త్ కౌర్, ర‌జ‌త్ రాఘ‌వ్ ప్ర‌ధాన పాత్ర‌ల్లో న‌టించిన స్మార్ట్ ఫోన్ థ్రిల్లర్ ‘మాయా పేటిక’. రమేష్ రాప‌ర్తి దర్శకత్వంలో జస్ట్ ఆర్డినరీ ఎంటర్‌టైన్‌మెంట్స్‌ ఎల్ఎల్‌పి బ్యానర్‌పై మాగుంట శరత్ చంద్రా రెడ్డి, తారక్‌నాథ్ బొమ్మిరెడ్డి ఈ చిత్రాన్ని నిర్మించారు. ఈ చిత్రాన్ని జూన్ 30న విడుదల చేస్తున్నారు. మొబైల్ ఫోన్ ప్రధానంగా సాగే సినిమా ఇది. అలాగే మొబైల్ మన జీవితాల్లో ఎంత కీల‌కంగా మారింద‌నే విష‌యాల‌ను కూడా ఇందులో చూపిస్తున్నారు. ఈ సినిమా నుంచి వ‌చ్చిన ఫస్ట్ గ్లింప్స్‌, లిరిక‌ల్ వీడియోల‌కు ఆడియెన్స్ నుంచి చాలా మంచి రెస్పాన్స్ వ‌చ్చింది.
తాజాగా ఈ చిత్రం నుంచి మేకర్స్ ట్రైల‌ర్‌ను విడుదల చేశారు. ఈ ప్ర‌పంచ‌మంతా సెల్ ఫోన్‌కి ఎలా దాసోహ‌మైంద‌నే విష‌యాన్ని ట్రైల‌ర్‌లో చూపించారు. అలాగే ఈ సినిమాలో స్మార్ట్ ఫోన్ హీరో. త‌నే ఈ క‌థ‌ను అంద‌రికీ చెబుతుంది. అంద‌రి జీవితాల్లో త‌నొక భాగంగా ఎలా మ‌రిపోయాన‌నే విష‌యాన్ని త‌నే వివ‌రిస్తుంది.
ఈ 3 నిమిషాల ట్రైల‌ర్‌లో చాలా క‌థ‌ల‌ను చూపిస్తూనే అవ‌న్నీ స్మార్ట్ ఫోన్‌కు ఎలా క‌నెక్ట్ అయ్యాయ‌నేది చూపిస్తున్నారు. అలాగే స్మార్ట్ ఫోన్ వ‌ల్ల వారి జీవితాలు త‌లకిందులుగా ఎలా మారింద‌నే విష‌యాన్ని కూడా చూపిస్తున్నారు. అలాగే ఓ మంచి స‌స్పెన్స్‌ను కంటిన్యూ చేస్తూ వ‌చ్చారు. దీనికి మంచి విజువ‌ల్స్‌, సంగీతం కూడా తోడ‌య్యాయి. ఇందులో చూపిస్తున్న ప్ర‌తి క‌థ‌లో ఓ కొత్త‌ద‌నంతో పాటు థ్రిల్లింగ్, ఎంట‌ర్‌టైన్మెంట్ ఎలిమెంట్స్ ఉంటాయి. ఇవ‌న్నీ స్మార్ట్ ఫోన్‌కి ఎలా లింక్ అయ్యాయ‌నేది తెలుసుకోవాలంటే జూన్ 30 వ‌రకు ఆగాల్సిందే.
అధికారం, ప్రేమ, డబ్బుతో పాటు స్మార్ట్ ఫోన్స్ అనేవి ఎంత ఇంపార్టెంటో ఈ సినిమాలో చూపించ‌నున్నారు. ఈ ట్రైల‌ర్‌తో సినిమాపై ఉన్న అంచనాలు పెరిగాయి. క‌మెడియ‌న్ సునీల్ కీల‌క పాత్ర‌లో న‌టించారు.
అలాగే పృథ్వీరాజ్‌, శ్రీనివాస్ రెడ్డి, హిమ‌జ, శ్యామ‌ల త‌దిత‌రులు ఇత‌ర పాత్ర‌ల్లో న‌టించారు. గుణ బాల‌సుబ్ర‌మ‌ణియ‌న్ సంగీతం అందించిన ఈ చిత్రానికి సురేష్ ర‌గుతు సినిమాటోగ్ర‌ఫీ అందించారు. పురుషోత్తం ఆర్ట్ డైరెక్ట‌ర్‌గా, డి. వెంక‌ట ప్ర‌భు, న‌వి క‌ట్స్‌ ఎడిట‌ర్‌గా వ‌ర్క్ చేశారు.
న‌టీన‌టులు:
విరాజ్ అశ్విన్, పాయల్ రాజ్‌పుత్‌, సిమ్ర‌త్ కౌర్, ర‌జ‌త్ రాఘ‌వ్, సునీల్, పృథ్వీరాజ్‌, శ్రీనివాస్ రెడ్డి, హిమ‌జ, శ్యామ‌ల త‌దిత‌రులు
సాంకేతిక వ‌ర్గం:
స‌మ‌ర్ప‌ణ: మాగుంట వెంక‌ట నారాయ‌ణ రెడ్డిబ్యాన‌ర్‌: జస్ట్ ఆర్డినరీ ఎంటర్‌టైన్మెంట్స్నిర్మాత‌లు: మాగుంట శరత్ చంద్ర రెడ్డి, తారక్‌నాథ్ బొమ్మిరెడ్డిద‌ర్శ‌క‌త్వం: రమేష్ రాపర్తిసినిమాటోగ్ర‌ఫీ: సురేష్ ర‌గుతుఎడిట‌ర్‌: డి.వెంక‌టేష్ ప్ర‌భు, న‌వ్ క‌ట్స్‌సంగీతం: గుణ బాల‌సుబ్ర‌మ‌ణియ‌న్‌ఆర్ట్‌: బిక్షు, మూర్తిపి.ఆర్.ఓ: వంశీ కాకా
