టిక్ టాక్ ట్రైలర్ లాంఛ్ విశేషాలు!

'హోప్', 'చంద్రహాస్' వంటి సక్సెస్ ఫుల్ చిత్రాలను అందించిన నటుడు, నిర్మాత, దర్శకుడు పోలిచర్ల హరనాధ్ తాజాగా నటిస్తూ, స్వీయదర్శకత్వంలో తెరకెక్కిస్తున్న చిత్రం 'టిక్ టాక్'. ఈ చిత్రం ట్రైలర్ లాంఛ్ కార్యక్రమం ప్రసాద్ ల్యాబ్ లో జరిగింది.

ఈ సందర్భంగా హరనాధ్ పోలిచర్ల మాట్లాడుతూ - ''కామెడీ హారర్ గా రూపొందుతున్న చిత్రమిది. అన్ని వర్గాల వారిని అలరించేలా ఈ చిత్రం ఉంటుంది. ఈ సినిమాలో అందరికీ నచ్చే, అలరించే అంశాలు ఉంటాయి. బూతు, చిన్నపిల్లలను భయపెట్టే హారర్ ఏ మాత్రం ఉండదు. నిర్మాతగా ఇన్ని కుటుంబాలకు సహాయం చేస్తున్నామంటే ఎంతో సంతృప్తిగా ఉంటుంది. ఈ సినిమా కోసం డ్యాన్సులు, ఫైట్లు నేర్చుకొన్నాను. ట్రైలర్ అందరికీ నచ్చుతుందని ఆశిస్తున్నాను. సినిమా కూడా అందరికీ కనెక్ట్ అయ్యేలా ఉంటుంది'' అని తెలిపారు.

రాహుల్ మాట్లాడుతూ - ''హరినాథ్ గారు సినిమాని అద్భుతంగా తెరకెక్కించారు. ఈ సినిమాలో అద్భుతమైన క్యారెక్టర్ చేసాను. హారర్ జోనర్ లో కామెడీ మిక్స్ అయ్యి ఉంటుంది కాబట్టి, ఆడియన్స్ సినిమాని బాగా ఎంజాయ్ చేస్తారు. ఇలాంటి జోనర్ సినిమాలకు ఆడియన్స్ ఆదరణ లభిస్తోంది. ఈ సినిమాని కూడా ఆదరిస్తారని నమ్ముతున్నాను'' అన్నారు.

సినిమాలో నటించే అవకాశం ఇచ్చినందుకు దర్శక, నిర్మాత హరినాథ్ పోలిచర్లకు కృతజ్ఞతలు తెలియజేస్తూ, తాము ఈ సినిమాలో చేసిన పాత్రలకు మంచి పేరు వస్తుందని హీరోయిన్స్ చెప్పారు.

పోలిచర్ల హరనాధ్, నిషిగంధ, మౌనిక, రాహుల్, సందీప్ ఆనంద్, సాయి కృష్ణ, అల్లూ రమేష్, రమణి తదితరులు నటించిన ఈ చిత్రానికి సంగీతం: ఎస్ అండ్ బి మ్యూజిక్ మిల్, కెమెరా: పి. వంశీకృష్ణ, ఎడిటింగ్: వెంకట రమణ, ఆర్ట్: ఏ.గోవింద్, పాటలు: కరుణాకర్, చారి, డాన్స్: గోవింద్ సి.హెచ్, మూలకథ: లిఖిత్ శ్రీనివాస్, కథ- స్క్రీన్ ప్లే- మాటలు- దర్శకత్వం- నిర్మాత: పోలిచర్ల హరనాధ్.