ఫిబ్రవరి 14న వరల్డ్ ఫేమస్ లవర్ రిలీజ్

సంచలన యువ కథానాయకుడు విజయ్ దేవరకొండ ఇంటెన్స్ రొమాంటిక్ ఎంటర్టైనర్ 'వరల్డ్ ఫేమస్ లవర్' తో ప్రేక్షకుల ముందుకు రానున్నాడు. క్రాంతిమాధవ్ డైరెక్ట్ చేస్తున్న ఈ సినిమాలో రాశీ ఖన్నా, ఐశ్వర్యా రాజేష్, కేథరిన్ ట్రెసా, ఇజాబెల్లే లెయితే హీరోయిన్లు. గోపీ సుందర్ సంగీతం అందిస్తున్నారు.

ఇటీవల చిత్ర బృందం ఈ సినిమాలోని ఫస్ట్ సాంగ్ 'మై లవ్'ను రిలీజ్ చేసింది. గోపీసుందర్ వినసొంపైన బాణీలు, రెహమాన్ ఆకట్టుకొనే సాహిత్యం, శ్రీకృష్ణ, రమ్యా బెహరా మధుర గానం కలిసి హృదయాన్ని హత్తుకొనే మెలోడీగా ఈ పాట తయారైంది. నలుగురు హీరోయిన్లతోనూ విజయ్ దేవరకొండ పీకల్లోతు ప్రేమలో కూరుకుపోయినట్లు ఈ పాటలో కనిపిస్తున్నాడు. కాగా సంగీత ప్రియుల్ని విశేషంగా ఆకర్షిస్తోన్న ఈ చార్ట్ బస్టర్ రొమాంటిక్ సాంగ్ యూట్యూబ్ లో 2 మిలియన్ వ్యూస్ దాటి దూసుకుపోతోంది.

క్రియేటివ్ కమర్షియల్స్ పతాకంపై కె.ఎ. వల్లభ నిర్మిస్తోన్న 'వరల్డ్ ఫేమస్ లవర్'ను కె.ఎస్. రామారావు సమర్పిస్తున్నారు. ఫిబ్రవరి 14న చిత్రాన్ని విడుదల చేయడానికి సన్నాహాలు చేస్తున్నారు.

ప్రధాన తారాగణం:
విజయ్ దేవరకొండ, రాశీ ఖన్నా, ఐశ్వర్యా రాజేష్, క్యాథరిన్ ట్రెసా, ఇజాబెల్లే లెయితే.
సాంకేతిక వర్గం:
కథ, స్క్రీన్ ప్లే, దర్శకత్వం: క్రాంతిమాధవ్
నిర్మాత: కె.ఎ. వల్లభ
సమర్పణ: కె.ఎస్. రామారావు
సంగీతం: గోపీసుందర్
సినిమాటోగ్రఫీ: జయకృష్ణ గుమ్మడి
ఎడిటింగ్: కోటగిరి వెంకటేశ్వరరావు
బ్యానర్: క్రియేటివ్ కమర్షియల్స్
పీఆర్వో: వంశీ-శేఖర్