ఆ హీరోతో మల్టీస్టారర్ ప్లాన్ లో బాలయ్య.. సంచలనాలు ఖాయం!

నందమూరి నటసింహం బాలకృష్ణ ప్రతిష్టాత్మక వందో చిత్రం 'గౌతమిపుత్ర శాతకర్ణి' సంక్రాంతి కానుకగా విడుదలై బాక్సాపీస్ ని షేక్ చేస్తోంది. ఈ సినిమా సక్సెస్ ని నందమూరి అభిమానులు, చిత్రం యూనిట్ అందరూ ఫుల్లుగా ఎంజాయ్ చేస్తున్నారు. బాలయ్య అయితే రెట్టింపు ఉత్సాహంతో ఈ చిత్రం ప్రమోషనల్ కార్యక్రమాల్లో పాల్గొంటున్నారు. రేపట్నుంచి యు.యస్ ఆడియన్స్ ని కలిసి సినిమాని ఇంత పెద్ద హిట్ చేసినందుకు థ్యాంక్స్ చెప్పనున్న బాలయ్య, ఈ రోజు టాలీవుడ్ ప్రింట్ మీడియాతో ముచ్చటించారు. ఆ సందర్భంగా మల్టీస్టారర్ గురించి తన మనసులోని మాటను చెప్పారు బాలయ్య.

''ఓ హీరోతో మల్టీస్టారర్ చేయాలని ఉంది. వర్కవుట్ అయితే ఖచ్చితంగా చేస్తాను. త్వరలోనే ఆ హీరోతో మాట్లాడతాను'' అని చెప్పారు బాలయ్య, ఈ విషయం బయటికి పొక్కగానే ఆ మల్టీస్టారర్ గురించి రకరకాల చర్చలు జరుగుతున్నాయి. ఆ చర్చల్లో ఎక్కువగా వినిపిస్తున్నది బాలయ్య, మహేష్ బాబు మల్టీస్టారర్ కి సంబంధించిన వార్త. కొంతకాలం క్రితం డైరెక్టర్ రాజమౌళి ఓ మల్టీస్టారర్ ప్లాన్ చేస్తున్నారని, ఆ మల్టీస్టారర్ లో బాలయ్య, మహేష్ బాబు నటించనున్నారని వార్తలు వచ్చాయి. రాజమౌళి తండ్రి విజయేంద్రప్రసాద్ ఈ మల్టీస్టారర్ కోసం స్టోరీ లైన్ వర్కవుట్ చేస్తున్నారనే వార్తలు కూడా ఉన్నాయి. ఈ మల్టీస్టారర్ కి రంగం సిద్ధమైతే కె.యల్. నారాయణ లేదా గల్లా జయదేవ్ నిర్మిస్తారనే ప్రచారం కూడా జరిగింది. బహుశ ఈ మల్టీస్టారర్ ని మనసులో పెట్టుకునే బాలయ్య మల్టీస్టారర్ గురించి బయట పెట్టి ఉంటారని జనాలు చెప్పుకుంటున్నారు. నిజంగా ఈ మల్టీస్టారర్ వర్కవుట్ అయితే టాలీవుడ్ లో చరిత్ర తిరగరాసే సినిమా అవుతుంది. మరి ఈ మల్టీస్టారర్ ఎంతవరకూ వర్కవుట్ అవుతుందో వేచి చూద్దాం.