'ఖైదీ నెం.150' చిత్రంలో మెగాస్టార్ చిరంజీవి జైల్లో ఉన్న సీన్లు ఉన్నాయి. ఈ సీన్స్ కొన్నింటిని హైదరాబాద్ లో కల చంచల్ గూడా జైల్లో చిత్రీకరించారు. ఇప్పుడు అదే జైలుకి కుర్ర హీరో నితిన్ కూడా వెళ్లాడు. నితిన్ కి ఆ జైల్లో పనేంటీ అనుకుంటున్నారా....
నితిన్ హీరోగా హను రాఘవపూడి దర్శకత్వంలో ఓ చిత్రం రూపొందుతోన్న విషయం తెలిసిందే. 14రీల్స్ పతాకంపై ఈ చిత్రం రూపొందుతోంది. కాగా ఈ చిత్రానికి సంబంధించి కొన్ని సన్నివేశాలను చంచల్ గూడా జైల్లో చిత్రీకరించారు. పృధ్వీ, బ్రహ్మాజీ, నితిన్ పాల్గొనగా ఈ సన్నివేశాల చిత్రీకరణ జరిగింది. దాంతో జైల్లో కాసేపు సందడి వాతావరణం నెలకొంది. మరికొన్ని సీన్స్ కూడా ఈ జైల్లో చిత్రీకరించాల్సి ఉందట. మరి ఆ సీన్స్ ఎప్పుడు చిత్రీకరిస్తారో తెలీదుగానీ, ఈ చిత్రం కోసం గెడ్డం పెంచి నితిన్ రఫ్ లుక్ తో దర్శనమిస్తున్నాడు. ఈ రఫ్ లుక్ చాలా బాగుంది. ఈ సినిమాలో ఒకప్పటి హీరో అర్జున్ విలన్ గా కీలక పాత్ర చేస్తున్నాడు. 'అఆ' చిత్రంలో 50కోట్ల క్లబ్ లో చేరిన నితిన్, ఈ సినిమా తన రేంజ్ ని మరింత పెంచే విధంగా ఉంటుందనే నమ్మకంతో ఉన్నాడు. మరి ఈ సినిమా ఏ రేంజ్ విజయాన్ని అందుకుంటుందో వేచి చూద్దాం.