పవర్ స్టార్ పవన్ కళ్యాణ్ ప్రస్తుతం 'కాటమరాయుడు' చిత్రం పూర్తి చేసే పనిలో ఉన్నాడు. దీని తర్వాత త్రివిక్రమ్ శ్రీనివాస్ దర్శకత్వంలో సినిమా చేయబోతున్నాడు పవన్ కళ్యాణ్. ఈ సినిమాలో మరో హీరో కూడా ఉంటాడని తెలుస్తోంది. ఆ హీరో ఎవరో కాదు. కమెడీయన్ గా ఓ వెలుగు వెలిగి, తర్వాత హీరోగా కెరియర్ ఆరంభించిన సునీల్. కాగా పవన్ కళ్యాణ్ సినిమాలో ఓ కీలక పాత్ర చేసే అవకాశం సునీల్ కి దక్కిందని తెలుస్తోంది.
త్రివిక్రమ్ శ్రీనివాస్, సునీల్ మంచి ఫ్రెండ్స్ అన్న విషయం తెలిసిందే. హీరోగా సినిమాలు చేయడం మొదలుపెట్టిన తర్వాత సునీల్ కామెడీ క్యారెక్టర్స్ చేయడంలేదు. అయితే పవన్ కళ్యాణ్ సినిమాలో సునీల్ కోసం ఓ క్యారెక్టర్ క్రియేట్ చేసాడట త్రివిక్రమ్. ఈ క్యారెక్టర్ అద్భుతంగా ఉంటుందని తెలుస్తోంది. కీలక పాత్ర కావడం, ఆ క్యారెక్టర్ నచ్చడంతో ఈ సినిమాలో నటించడానికి సునీల్ అంగీకరించాడట. మరి ఈ సినిమా తర్వాత సునీల్ కెరియర్ ఎలాంటి మలుపు తీసుకుంటుందో వేచి చూద్దాం.