మూడు సినిమాలు చేసింది.. 'అఆ', 'ప్రేమమ్', 'శతమానంభవతి' చిత్రాలు చేసి, ఏకంగా మెగా పవర్ స్టార్ రాంచరణ్ తో రొమాన్స్ చేయబోతోంది... అమ్మడిది ఎంత అదృష్టం... కేరళ కుట్టి అనుపమాపరమేశ్వరన్ గురించి ఈ మాటలు అనుకోనివారు లేరు. కానీ ఇప్పుడు సీన్ రివర్స్ అయ్యింది. అయ్యో... మంచి ఆఫర్ అనుపమా చేజారిందని చెప్పుకుంటున్నారు. ఇంతకీ అనుపమా చేజారిన ఆ మంచి ఆఫర్ ఏంటీ అనే వివరాల్లోకి వెళితే...
రాంచరణ్ హీరోగా సుకుమార్ దర్శకత్వంలో ఓ చిత్రం రూపొందనున్న విషయం తెలిసిందే. ఈ నెల 30న ఈ చిత్రం పూజా కార్యక్రమాలను జరపడానికి సన్నాహాలు చేస్తున్నారు. కాగా ఈ చిత్రంలో ఓ హీరోయిన్ గా అనుపమాపరమేశ్వరన్ ని తీసుకున్నారు. ఈ విషయాన్ని తన ట్విట్టర్ ద్వారా అనుపమా కూడా తెలియజేసింది. అయితే రాంచరణ్ పక్కన అనుపమాపరమేశ్వరన్ అంత సూట్ అవ్వలేదట. మరీ చిన్నపిల్లలా కనబడుతోందట. దాంతో అనుపమాని హర్ట్ చేయకుండా ఈ విషయాన్ని ఆమెకు స్మూత్ గా చెప్పేసారట రాంచరణ్, సుకుమార్. ఈ అవకాశం చేజారినందుకు అనుపమా పాపం తెగ ఫీలై ఉంటుంది. కానీ చేసేదేంలేదు కదా....ఇదిలా ఉంటే...
రాంచరణ్ తో సుకుమార్ చేయబోయే చిత్రం 75కోట్ల బడ్జెట్ తో రూపొందనుందని తెలుస్తోంది. ఈ చిత్రానికి 'ఫేస్ బుక్ లైవ్ చాట్ ఎట్ 8.18 PM' టైటిల్ ని పరిశీలిస్తున్నారట డైరెక్టర్ సుకుమార్. కథకు ఈ టైటిల్ అయితే యాఫ్ట్ గా ఉంటుందని భావిస్తున్నారట. మరి ఫైనల్ గా ఇదే టైటిల్ ని ఫిక్స్ చేస్తారో లేదో వేచి చూద్దాం.