ఖైదీ నెం.150' చిత్రం విజయంతో మెగాస్టార్ చిరంజీవి ఫుల్ ఖుషీగా ఉన్నారు. పెద్ద గ్యాప్ తీసుకోకుండానే 151వ సినిమా చేయడానికి సమాయత్తమవుతున్నారు. 'ఉయ్యాలవాడ నరసింహా రెడ్డి' జీవితాన్ని ఆధారంగా తీసుకుని పరుచూరి బ్రదర్స్ ఓ స్ర్కిఫ్ట్ రెడీ చేసిన సంగతి తెలిసిందే. ఈ సినిమా చేయడానికే చిరు పచ్చజెండా ఊపేసారు. సురేందర్ రెడ్డి దర్శకత్వంలో ఈ పీరియాడికల్ చిత్రాన్ని నిర్మించడానికి రెడీ అవుతున్నాడు మెగా పవర్ స్టార్ రాంచరణ్. ఇదిలా ఉంటే...
ఈ సినిమాకి సంబంధించి ఓ వార్త హల్ చల్ చేస్తోంది. ఈ చిత్రంలో చిరు సరసన ఇద్దరు హీరోయిన్లు నటిస్తారట. ట్రయాంగిల్ లవ్ స్టోరీ కాన్సెఫ్ట్ ఈ సాత్వంత్ర సమరయోధుడు జీవిత చరిత్రలో ఉందట. ఆ కాన్సెఫ్ట్ ప్రకారం ఈ సినిమా కోసం చిరు ఇద్దరు హీరోయిన్లతో రొమాన్స్ చేయాల్సి ఉంటుంది. మరి చిరుతో రొమాన్స్ చేసే అవకాశం ఏ ఏ హీరోయిన్ కి దక్కనుందో వేచి చూడాల్సిందే. మరో విశేషమేంటంటే...
అప్పట్లో 60 గ్రామాలు ఉయ్యాలవాడ నరసింహారెడ్డి కనుసన్నుల్లో ఉండేవట. తెల్లదొరలను తరిమికొట్టడానికి నరసింహారెడ్డి విజృంభించిన తీరు చాలా పవర్ ఫుల్లుగా ఉంటుందట. చిరు ఈ పవర్ ఫుల్ రోల్ ని తనదైన శైలిలో చేసి అదరగొడతారని చెప్పొచ్చు.