బాహుబలి 2 ప్రీమియర్స్ క్యాన్సిల్... !

తెలుగు రాష్టాల్లో 'బాహుబలి 2' విడుదల విషయంలో క్లారటీ లేక ప్రభాస్ అబిమానులు, టిక్కెట్స్ సంపాదించుకున్న ఆడియన్స్ టెన్షన్ పడుతున్నారు. రేపు విడుదల తేదీ ప్రకటించారు కాబట్టి, ఈ రోజు సినిమాని విడుదల చేయకూడదని, బెనిఫిట్ షో, ప్రీమియర్స్ కి పర్మిషన్ లేదని తెలంగాణా మంత్రి తలసాని శ్రీనివాస్ యాదవ్ స్ఫష్టం చేసారు. అయితే ఈ రోజే సినిమాని విడుదల చేస్తామని డిస్ట్రిబ్యూటర్స్ ప్రకటించడంతో థియేటర్స్ టిక్కెట్స్ అమ్మేసాయి. కానీ ఈ రోజు సినిమాని విడుదల చేయాలంటే ఎఫ్.డి.సి, కమర్షియల్ ట్యాక్స్, పోలీసుల అనుమతి కావాలని తెలంగాణా ప్రభుత్వం మెలిక పెట్టింది. దాంతో ఎక్కువ రేట్ కి ప్రీమియర్స్ టిక్కెట్స్ అమ్మేసిన థియేటర్స్ తలలు పట్టుకుంటున్నాయి. ఈ సినిమా డిస్ట్రిబ్యూటర్స్ ఏం చేయాలో తెలీక తికమకపడుతున్నారు. ఆల్ మోస్ట్ ఈ రోజు స్ర్కీనింగ్ అవ్వాల్సిన షోలు క్యాన్సిల్ అయ్యినట్టేనని ఫిక్స్ అవుతున్నారు. ఇదిలా ఉంటే...

హిందీ వెర్షన్ ప్రీమియర్స్ ని ముంబయ్ లో భారీ ఎత్తున ఏర్పాటు చేసారు. అయితే ఈ రోజు ప్రముఖ నటుడు వినోద్ ఖన్నా మరణించడంతో ముంబయ్ లో స్ర్కీన్కింగ్ అవ్వాల్సిన అన్ని ప్రీమయర్స్ ని క్యాన్సిల్ చేస్తున్నట్టు ప్రకటించారు కరణ్ జోహర్. 'భాహుబలి' టీం మొత్తం కలిసి ఈ నిర్ణయం తీసుకోవడం జరిగిందని కూడా కరణ్ తెలిపారు. సో... 'బాహుబలి 2' ప్రీమియర్స్ ఈ రోజు క్యాన్సిల్ అయినట్టేనని చెప్పొచ్చు.