రాజమౌళిని లాక్ చేసిన నిర్మాత.. హీరో కూడా ఫిక్స్!

టాలీవుడ్ నిర్మాత డి.వి.వి దానయ్య గురించి ఓ వార్త ఉంది. అదేంటంటే... హీరోగా, డైరెక్టర్ గా పరిచయమయ్యే వారికి బాగా టాలెంట్ ఉందని గ్రహిస్తే, వెంటనే వారి చేతిలో దానయ్య అడ్వాన్స్ పడిపోతుంది. తర్వాత ఎంచక్కా ఓ ప్రాజెక్ట్ ని సెట్ చేసి సినిమా చేసేస్తాడు అనేదే ఆ టాక్. అలా కొరటాల శివకు ఎప్పుడో అడ్వాన్స్ ఇచ్చి, ఇప్పుడు మహేష్ బాబు, కొరటాల శివ కాంబినేషన్ లో 'భరత్ అనే నేను' చిత్రాన్ని నిర్మించే అవకాశాన్ని దక్కించుకున్నాడు నిర్మాత దానయ్య. ఇక టాలీవుడ్ అగ్ర దర్శకుడు రాజమౌళి సైతం నిర్మాత దానయ్యకు ఓ సినిమా చేసి పెట్టాల్సి ఉందట.

రాజమౌళికి నిర్మాత దానయ్య ఎప్పుడో అడ్వాన్స్ ఇచ్చాడట. ఆ అడ్వాన్స్ ని వర్కవుట్ చేసుకోవాలనే ప్లాన్ లో నిర్మాత దానయ్య ఉన్నాడట. 'బాహుబలి ది కంక్ల్యూజన్' (బాహుబలి - 2) విడుదలై పోయింది కాబట్టి, రాజమౌళితో చర్చించి తన కోసం ఓ ప్రాజెక్ట్ చేసి పెట్టమని అడగాలనుకుంటున్నాడట దానయ్య. ఈ ప్రాజెక్ట్ ని స్టైలిష్ స్టార్ అల్లు అర్జున్ తో వర్కవుట్ చేయాలని కూడా దానయ్య ప్లాన్ అని తెలుస్తోంది. అల్లు అర్జున్ తో ఓ సినిమా చేయడానికి కొన్నాళ్ల క్రితం అల్లు అరవింద్ తో చర్చలు జరిపాడు రాజమౌళి. ఇప్పుడు దానయ్యకు ఓ సినిమా చేసి పెట్టాలి కాబట్టి, అల్లు అర్జున్ హీరోగా ఈ ప్రాజెక్ట్ వర్కవుట్ అవుతుందని ఫిల్మ్ నగర్ టాక్. అదే కనుక జరిగితే రాజమౌళి నెక్ట్స్ హీరో అల్లు అర్జున్ అవుతాడు. మరి ఈ వార్తల్లో ఎంతవరకూ నిజముందో తెలియాంటే కొన్నాళ్లు ఆగాల్సిందే.