ఆరడుగుల అందగాడు.. అమ్మాయిల మానస చోరుడు ప్రభాస్ పెళ్లి గురించి దాదాపు రెండు, మూడేళ్లుగా ఏదో ఒక వార్త వినిపిస్తూనే ఉంది. ఈ యంగ్ రెబల్ స్టార్ ఎవర్ని పెళ్లి చేసుకుంటాడు? ఎప్పుడు పెళ్లి చేసుకుంటాడు? అనే చర్చలు, ఊహాగానాలు జరుగుతున్నాయి. రెబల్ స్టార్ కృష్ణంరాజు ఆల్ రెడీ ప్రభాస్ కోసం ఓ అమ్మాయిని ఫిక్స్ చేసారని, ఆ అమ్మాయి భీమవరంకి చెందిన అమ్మాయని బిటెక్ చదువుతోందని కొన్ని రోజుల క్రితం సోషల్ మీడియాలో ప్రభాస్ పెళ్లి చేసుకోబోతున్న అమ్మాయి అంటూ ఓ ఫోటో హల్ చల్ కూడా చేసింది. ప్రభాస్ కాబోయే భార్య ఆ అమ్మాయే అని చాలామంది ఫిక్స్ అయ్యారు. అయితే ఆ వార్తలను కృష్ణంరాజు కొట్టిపారేసారు.
ఈ మధ్య ప్రభాస్, అనుష్క పెళ్లి చేసుకోబోతున్నారంటూ ఓ వార్త ప్రచారంలో ఉంది. అనుష్క ఓ దేవాలయంలో ప్రత్యేక పూజలు చేసింది. దాంతో ఈ వార్తలు మరింతగా ఊపందుకున్నాయి. పెళ్లి కోసమే ఈ పూజలు అంటూ ప్రచారం చేసారు. ఇక తాజాగా మరో వార్త బయటికి వచ్చింది. అదేంటంటే...
ప్రముఖ వ్యాపారవేత్త, సిమెంట్ దిగ్గజం 'రాశి సిమెంట్స్' చైర్మన్ మనవరాలితో ప్రభాస్ వివాహం జరగనుందని, ఇరువైపు కుటుంబ సభ్యులు మధ్య ఈ పెళ్లికి సంబంధించి చర్చలు జరిగాయని సమాచారమ్. త్వరలో అధికారిక ప్రకటన కూడా వస్తుందనే వార్తలు హల్ చల్ చేస్తున్నాయి. రాశి సిమెంట్స్ కుటుంబం, ప్రభాస్ కుటుంబం ఒకే సామాజిక వర్గానికి చెందినవారు కావడంతో ఈ వార్తలు నిజమేనని, ప్రభాస్ పెళ్లి పిక్స్ అయిపోయుంటుందని జనాలు అంటున్నారు. మరి ఇప్పటిదాకా వచ్చిన పెళ్లి వార్తలులాగా ఇది కూడా పుకారేనా, లేక నిజమా అనే విషయం తెలియాలంటే కొన్ని రోజులు ఆగాల్సిందే.