అడగొద్దు బ్రదర్.. చెప్పనంటున్న అల్లు అర్జున్!

'చెప్పను బ్రదర్' వివాదం ఏ రేంజ్ లో దుమారం రేపిందో ప్రత్యేకంగా చెప్పక్కర్లేదు. పవన్ కళ్యాణ్, పవన్ కళ్యాణ్ అని అరిచి, ఆయన గురించి చెప్పండని అల్లు అర్జున్ ని మెగా ఫ్యాన్స్ అడగడం ఇరిటేట్ అయిన అల్లు అర్జున్ 'చెప్పను బ్రదర్' అనడంతో ఈ వివాదం రేగింది. అప్పట్నుంచి అల్లు అర్జున్ పై ఏదో ఒక రకంగా పవన్ కళ్యాణ్ ఫ్యాన్స్ విరుచుకుపడుతున్నారు. అల్లు అర్జున్ 'దువ్వాడ జగన్నాధమ్' చిత్రానికి సంబంధించి రిలీజ్ అవుతున్న ప్రొమోలను, ట్రైలర్స్ ను డిస్ లైక్ చేసి వ్యతిరేకత చూపిస్తున్నారు. ఈ వివాదానికి ఫుల్ స్టాప్ పెట్టయడానికి అల్లు అర్జున్ ట్రై చేస్తూనే ఉన్నాడు.

ప్రస్తుతం 'దువ్వాడ జగన్నాధమ్' ప్రమోషనల్ కార్యక్రమాల్లో పాల్గొంటున్నాడు అల్లు అర్జున్. మీడియాతో ఇంటరాక్ట్ అవుతున్నాడు. అయితే అంతుకుముందులా జోవియల్ గా మీడియాతో మాట్లాడటంలేదు. 'కండీషన్స్ అఫ్లై' అన్న టైప్ లో కేవలం సినిమాకి సంబంధించిన ప్రశ్నలకు మాత్రమే సమాధానం చెబుతున్నాడు. 'చెప్పను బ్రదర్' వివాదం గురించి అడగొద్దు బ్రదర్.. నేను చెప్పను అనే టైప్ లో అల్లు అర్జున్ వ్యవహరిస్తున్నాడు. ఎలాంటి కాంట్రవర్సీస్ కి తావివ్వకూడదనే అల్లు అర్జున్ ఇంత కేర్ పుల్లుగా ఉంటున్నాడని చెప్పొచ్చు. మరో రెండు రోజుల్లో 'దువ్వాడ జగన్నాధమ్' విడుదలవుతోంది. మరి ఈ సినిమా విషయంలో పవన్ కళ్యాణ్ ఫ్యాన్స్ ఎలా రియాక్ట్ అవుతారో వేచి చూద్దాం.