నందమూరి నటసింహం బాలకృష్ణ, డాషింగ్ డైరెక్టర్ పూరి జగన్నాధ్ దర్శకత్వంలో రూపొందుతున్న 'పైసా వసూలు' చిత్రం సెప్టెంబర్ 1న థియేటర్స్ కి వస్తోంది. సినిమా ట్రైలర్స్, టీజర్స్, ఫస్ట్ లుక్, స్టంపర్, ఆడియోకి సూపర్ రెస్పాన్స్ రావడంతో భారీ అంచనాలు నెలకొన్నాయి. నందమూరి అభిమానులు కూడా తమ మనసెరిగి, 'పైసా వసూలు' చిత్రాన్ని పూరి తీర్చిదిద్దుతున్నాడనే గట్టి నమ్మకంతో ఉన్నారు. దీని తర్వాత సినిమాగా తమిళ దర్శకుడు కె.యస్.రవికుమార్ దర్శకత్వంలో ఓ సినిమా చేస్తున్నారు బాలయ్య. ఇది బాలయ్య 102వ సినిమా. ఇక బాలయ్య 103, 104 సినిమాలు కూడా కన్ ఫార్మ్ అయ్యాయని, ఈ సినిమాలు క్రేజీ కాంబినేషన్స్ తో తెరకెక్కనున్నాయని విశ్వసనీయమైన సమాచారమ్. ఆ వివరాల్లోకి వెళితే...
కె.యస్ రవికుమార్ తో బాలయ్య చేస్తున్న సినిమా వచ్చే యేడాది సంక్రాంతికి కానుకగా జనవరిలో విడుదలకానుంది. అదే నెలలో బాలయ్య 103వ సినిమా ఆరంభంకానుంది. బాలయ్య, పూరి జగన్నాధ్ కాంబినేషన్ ఈ సినిమా కోసం రిపీట్ కానుంది. ఈ సినిమాని బాలయ్యకు అత్యంత సన్నిహితుడైన ఓ నిర్మాత నిర్మించనున్నారని తెలుస్తోంది. ఇప్పటికే ఈ సినిమా కోసం అద్భుతమైన స్టోరీ లైన్ రెడీ చేసాడట పూరి. ఈ స్టోరీ లైన్ విన్న బాలయ్య చాలా ఎగ్జయిట్ అయినట్టు సమాచారమ్. ఈ సినిమా తర్వాత బోయపాటి శ్రీను దర్శకత్వంలో బాలయ్య 104వ సినిమా ఆరంభమవుతుందని తెలుస్తోంది. సో... రాబోయే బాలయ్య సినిమాలు క్రేజీ కాంబినేషన్స్ లో తెరకెక్కబోతున్నాయని చెప్పొచ్చు.