ఎన్టీఆర్ పాటకు బాలయ్య చిందేస్తే థియేటర్ లో నందమూరి అభిమానుల గోల మాములుగా ఉండదు. రెచ్చిపోయి చిందేస్తారు. ఈ విషయం పూరి జగన్నాధ్ కి బాగా తెలుసు. అందుకే సీనియర్ ఎన్టీఆర్ సూపర్ హిట్ సాంగ్ 'కొంటె చూపు చెబుతోంది.. కొంటి నవ్వు చెబుతోంది...' పాటను 'పైసా వసూలు' సినిమా కోసం రీమిక్స్ చేయించాడు పూరి. పోర్చుగల్ లో ఈ పాటను చిత్రీకరించారు.
ఈ పాట ప్రోమోను ఈ రోజు (23.8) విడుదల చేసారు. ఈ ప్రోమోలో సీనియర్ ఎన్టీఆర్ గెటప్, కాస్ట్యూమ్స్ తో బాలయ్య కనువిందు చేయడం నందమూరి అభిమానులను హుషారెత్తిస్తోంది. ఎన్టీఆర్ లానే బాలయ్య చిందేస్తుంటే మురిసిపోతున్నారు. ఎన్టీఆర్ ని గుర్తు చేసుకుంటూ హల్ చల్ చేస్తున్నారు. బాలయ్యతో డ్యాన్స్ చేసిన ముస్కాన్ కూడా అలనాటి హీరోయిన్ గెటప్ లోనే కనిపిస్తోంది. మొత్తం మీద లుక్, గెటప్, డైలాగులు, పాటలు, ఫైట్స్ అన్నీ.. నందమూరి అభిమానులను ఫుల్ శాటిస్ ఫై చేసే విధంగా పూరి 'పైసా వసూలు' కోసం ప్లాన్ చేసాడని చెప్పొచ్చు. 'పైసా వసూల్' టైటిల్ కి తగ్గట్టు భారీగా వసూలు చేయడానికి కావాల్సిన కమర్షియల్ ఎలిమెంట్స్ అన్నీ ఈ సినిమాలో ఉన్నాయి. మరి సెప్టెంబర్ 1న థియేటర్స్ కి వస్తున్న ఈ సినిమా ఏ రేంజ్ లో బాక్సాఫీస్ ని షేక్ చేస్తుందో వేచి చూద్దాం.