యంగ్ టైగర్ ఎన్టీఆర్ 'జై లవ కుశ' చిత్రం ఈ 21న ప్రపంచ వ్యాప్తంగా ఘనంగా విడుదలవుతోంది. ఈ రోజు (15.9.2017) ఈ చిత్రంలోని ఐదో పాటను రిలీజ్ చేస్తున్నారు. ఈ చిత్రం ఆడియోతో పాటు ఈ పాటను విడుదల చేయలేదు. ఈ స్పెషల్ సాంగ్ ని ఈ రోజు సాయంత్రం విడుదల చేస్తున్నారు. ఈ స్పెషల్ సాంగ్ లో ఎన్టీఆర్ తో కలిసి చిందేసింది తమన్నా. కాగా పాట విడుదలకు ముందు ఈ పాటలోని తమన్నా లుక్ ని విడుదల చేసి సర్ ప్రైజ్ చేసింది 'జై లవ కుశ' టీం.
ఈ లుక్ చాలా హాట్ గా ఉంది. తమన్నా ఈ పాటలో ఫుల్లుగా రెచ్చిపోయిందని ఆమె ఫోజు చూస్తేనే తెలుస్తోంది. తమన్నా లుక్, డ్రెస్స్ ని చాలా గ్లామరస్ గా డిజైన్ చేసారు. ఇక ఎన్టీఆర్ కూడా మాస్ స్టెప్స్ తో ఈ పాట ఇరగదీసాడని తెలుస్తోంది. ఎన్టీఆర్ డ్యాన్స్ మూమెంట్స్ హైలైట్ గా నిలుస్తాయట. సో.. పక్కా మాస్ బీట్ తో సాగే ఈ సాంగ్ ఎన్టీఆర్ అభిమానులకు రెట్టింపు ఉత్సాహం ఇవ్వడం ఖాయం. ఈ రోజు సాయంత్రం 5.45 ని.షాలకు ఈ పాటలను రిలీజ్ చేస్తున్నారు. ఆల్ రెడీ ఈ సినిమాపై భారీ అంచనాలు నెలకొన్నాయి. ఈ పాట మరింతగా అంచనాలు పెంచేస్తుందని ప్రత్యేకంగా చెప్పక్కర్లేదు.