క్రేజీ కాంబినేషన్ గురించి క్లారటీ ఇచ్చిన రాజమౌళి!

'బాహుబలి', 'బాహుబలి 2' చిత్రాలతో తెలుగు సినిమా స్థాయిని అమాంతం పెంచేసాడు స్టార్ డైరెక్టర్ రాజమౌళి. ప్రపంచ స్థాయిలో తెలుగు సినిమాకి పాపులార్టీ వచ్చింది, మార్కెట్ రేంజ్ పెరిగింది. ఈ డైరెక్టర్ దర్శకత్వంలో తమ అభిమాన హీరో నటించాలని ప్రతి హీరో అభిమానులు కోరుకుంటున్నారు. అయితే రాజమౌళి నెక్ట్స్ సినిమా ఏ హీరోతో ఉంటుందనే విషయంలో ఇంకా క్లారటీ రాలేదుగానీ, నెక్ట్స్ సినిమాని నిర్మించబోయేది మాత్రం ప్రముఖ నిర్మాత దానయ్య. ఈ విషయాన్ని స్వయంగా రాజమౌళి చెప్పారు. ఈ సినిమా తర్వాత టాలీవుడ్ ప్రిన్స్ మహేష్ బాబుతో సినిమా చేస్తున్నట్టు రాజమౌళి ప్రకటించారు.

'బాహుబలి' ఫస్ట్ పార్ట్ విడుదల సమయంలో మహేష్ బాబు సినిమా గురించి రాజమౌళి మాట్లాడారు. మహేష్ బాబుతో తను ఎప్పుడో సినిమా చేయాల్సి ఉందని, ఆ సినిమాని కె.యల్ నారాయణ నిర్మించడానికి రెడీగా ఉన్నారని రాజమౌళి చెప్పారు. తమ కమిట్ మెంట్స్ వల్లే లేట్ అవుతోందని కూడా చెప్పారు. తాజాగా ఈ సినిమా గురించి మాట్లాడుతూ 2019లో ఈ చిత్రం సెట్స్ పైకి వెళుతుందని, కె.యల్.నారాయణ ఈ సినిమాని నిర్మిస్తారని చెప్పేసారు రాజమౌళి. దాంతో మహేష్ బాబు అభిమానులు తెగ ఆనందపడిపోతున్నారు. రాజమౌళి తండ్రి విజయేంద్రప్రసాద్ ఈ కాంబినేషన్ కోసం కథ కూడా వర్కవుట్ చేస్తున్నారట. సో.. రాజమౌళి, మహేష్ బాబు కాంబినేషన్ సినిమా ఉంటుందని తేలిపోయింది. ఈ ప్రాజెక్ట్ రేంజ్ ఎలా ఉంటుందో ఒక్కసారి ఊహించుకోండి.. బాక్సాఫీస్ బద్ధలవ్వడం ఖాయం.