ప్రిన్స్ మహేష్ బాబుతో ‘బ్రహ్మోత్సవం’ లాంటి ఫ్లాప్ చిత్రం ఇచ్చిన శ్రీకాంత్ అడ్డాలకు తదుపరి సినిమాని సెట్ చేసుకోవడం చాలా కష్టమయ్యింది. ఈ డైరెక్టర్ కి ఏ హీరో అవకాశం ఇస్తాడు… అసలు ఇప్పట్లో శ్రీకాంత్ అడ్డాలకు సినిమా సెట్ అవుతుందాని జనాలు మాట్లాడుకున్నారు. కాగా తాజా వార్తల ప్రకారం శ్రీకాంత్ అడ్డాలకు ఓ సినిమా సెట్ అయ్యిందని తెలుస్తోంది.
శ్రీకాంత్ అడ్డాల చెప్పిన ఓ స్టోరీ లైన్ గీతా ఆర్ట్స్ బ్యానర్ లో ఒకే అయ్యిందని, త్వరలోనే ఈ ప్రాజెక్ట్ కి సంబంధించిన వివరాలను అధికారికంగా ప్రకటించబోతున్నారని ఫిల్మ్ నగర్ టాక్. మెగా హీరోతోనే ఈ సినిమా రూపొందనుందని, ఆ మెగా హీరో ఎవరనే విషయం తెలియడంలేదని మాట్లాడుకుంటున్నారు. గీతా ఆర్ట్స్ హీరోలు అంటే అల్లు అర్జున్, అల్లు శిరీష్. సో.. ఈ ఇద్దరిలో ఎవరితో ఒకరితో శ్రీకాంత్ అడ్డాల సినిమా చేయబోతున్నాడని ఊహించవచ్చు. మరి ఈ ఇద్దరిలో ఎవరితో చేసే అవకాశం శ్రీకాంత్ అడ్డాలకు దక్కనుందో వేచిచూద్దాం.