రంగస్థలం టీంకి షాకిచ్చిన ఆ 3.. రంగంలోకి దిగేసారు!

రెండు రోజుల క్రితం 'రంగస్థలం' సినిమాకి సంబంధించిన మూడు స్టిల్స్ బయటికి వచ్చాయి. ఆ స్టిల్స్ మొత్తం యూనిట్ ని షాక్ గురి చేసాయి. ఎందుకంటే ఆ మూడు చాలా ఇంపార్టెంట్ స్టిల్స్. స్టోరీ లైన్, నేపధ్యం, సినిమా ఎలా ఉండబోతోందనే విషయాన్ని గెస్ చేసే స్టిల్స్ లీక్ అవ్వడం యూనిట్ ని ఆందోళనకు గురి చేసింది. దాంతో ఈ చిత్రాన్ని నిర్మిస్తున్న మైత్రి మూవీ మేకర్స్, డైరెక్టర్ సుకుమార్ రంగంలోకి దిగి పోలీసులకు కంఫ్లైంట్ చేసారు. ఎంతో కేర్ తీసుకున్నప్పటికీ ఈ లీకేజ్ ఎలా జరిగిందనే విషయంపై చిత్ర యూనిట్ చాలా సీరియస్ గా ఉందట. యూనిట్ కి సంబంధించిన వారే ఈ స్టిల్స్ లీక్ చేసి ఉంటారనే అనుమానం దర్శక, నిర్మాతలు వ్యక్తపరిచినట్టు తెలుస్తోంది. కేసు నమోదు చేసుకున్న పోలీసులు దర్యాప్తు మొదలుపెట్టారు.

ఇంతకీ 'రంగస్థలం' యూనిట్ ని షాక్ కి గురి చేసిన ఆ మూడు స్టిల్స్ వివరాల్లోకి వెళితే... మొక్కజొన్న పొత్తులున్న బుట్టను రాంచరణ్ నెత్తిన పెట్టుకుని ఉన్న స్టిల్ ఒకటి, రెండోది సమంత గేదేని లాక్కుని వెళ్లడం, మూడోది వంట చేస్తున్న సమంత ఫోటో. ఈ మూడు ఫోటోల్లోనూ సమంత, రాంచరణ్ ని చూసి సినీప్రియులు సంభ్రమాశ్యరాలకు గురవుతున్నారు. ఇప్పటివరకూ ఈ ఇద్దరినీ ఇలాంటి గెటప్పుల్లో చూడలేదు. కొన్నింటిని తెరపైన చూస్తే బాగుంటుంది. అలా మెగాభిమానులను, సినీప్రియులను థ్రిల్ కి గురి చేయాలనే తపనతో సుకుమార్ ఉన్నారు. ఈ సినిమాకి సంబంధించి ఆయన చాలా కేర్ తీసుకుంటున్నారు. అలాంటిది ఈ స్టిల్స్ లీకవ్వడం సుకుమార్ ని చాలా ఆవేదనకు గురి చేసిందని తెలుస్తోంది. మరి ఈ లీకేజ్ కి కారణం ఎవరో... పట్టుబడకుండా ఉంటారా...!