ఎన్టీఆర్, త్రివిక్రమ్ కి మధ్య చర్చలు.. మార్పు చెప్పిన ఎన్టీఆర్!

యంగ్ టైగర్ ఎన్టీఆర్, మాటల మాంత్రికుడు త్రివిక్రమ్ శ్రీనివాస్ కాంబినేషన్ సినిమా మార్చి నుంచి సెట్స్ పైకి వెళ్లనున్న విషయం తెలిసిందే. ప్రస్తుతం ఈ సినిమా స్ర్కిఫ్ట్ కి త్రివిక్రమ్ తుది మెరుగులు దిద్దుతుంటే, ఎన్టీఆర్ ఈ సినిమాలోని లుక్ కోసం వర్కవుట్స్ చేస్తున్నాడు. కాగా రెండు రోజుల క్రితం ఎన్టీఆర్, త్రివిక్రమ్, చిత్ర నిర్మాత రాధాకృష్ణ కలుసుకుని సినిమా గురించి చర్చించుకున్నారట. అప్పుడు ఎన్టీఆర్, త్రివిక్రమ్ మధ్య ఓ విషయానికి సంబంధించి చర్చ జరిగిందట. అందులో భాగంగా త్రివిక్రమ్ ని ఆ విషయంలో డెసిషన్ మార్చుకోవాల్సిందిగా ఎన్టీఆర్ చెప్పినట్టు వార్తలు ప్రచారమవుతున్నాయి. ఆ వివరాల్లోకి వెళితే...

ఎన్టీఆర్, త్రివిక్రమ్ కాంబినేషన్ సినిమాకి కోలీవుడ్ మ్యూజిక్ డైరెక్టర్ అనిరుధ్ రవిచంద్రన్ ని సంగీత దర్శకుడిగా తీసుకున్నారు. ఇప్పుడు ఎన్టీఆర్ ఈ విషయంగా అంత సుముఖంగాలేడట. దేవిశ్రీ ప్రసాద్ ని తీసుకుందామని త్రివిక్రమ్ కి చెప్పాడట. అనిరుధ్ విషయంలో మరోసారి ఆలోచించమని మరీ మరీ చెప్పాడట ఎన్టీఆర్. దీంతో త్రివిక్రమ్ కూడా ఆలోచనలో పడ్డాడని సమాచారమ్. ఇదిలా ఉంటే... ఈ సినిమా స్ర్కిఫ్ట్ విషయంలో మాత్రం ఎన్టీఆర్ చాలా శాటిస్ ఫైడ్ గా ఉన్నాడట. బ్లాక్ బస్టర్ కొట్టేస్తామనే కాన్పిడెంట్ తో ఉన్నాడట ఎన్టీఆర్. సో... స్ర్కిఫ్ట్ కి ఒకే చెప్పిన ఎన్టీఆర్, మ్యూజిక్ డైరెక్టర్ విషయంలో మార్పు చెప్పాడు. మరి ఆ మార్పుకి త్రివిక్రమ్ అంగీకరిస్తాడా.... వేచి చూద్దాం.