సెంటిమెంట్ ని వదలని బోయపాటి.. రాంచరణ్ సినిమా కోసమే!

మాస్ డైరెక్టర్ బోయపాటి శ్రీనుకి ఓ సెంటిమెంట్ ఉంది. ఈ సెంటిమెంట్ ని తన ఫస్ట్ సినిమా 'భద్ర' నుంచి 'జయ జానకి నాయక' వరకూ పాటించాడు. ఇప్పుడు తన కొత్త సినిమాకీ ఈ సెంటిమెంట్ ని వదిలిపెట్టలేదు బోయపాటి. ఇంతకీ ఆ సెంటిమెంట్ ఏంటీ...

మెగాపవర్ స్టార్ రాంచరణ్ హీరోగా బోయపాటి శ్రీను దర్శకత్వంలో ఓ చిత్రం తెరకెక్కనున్న విషయం తెలిసిందే. ఈ సినిమా రెగ్యులర్ షూటింగ్ ఈ రోజు (19.1.2018) నుంచి ప్రారంభమయ్యింది. కాగా ఈ సినిమా ఫస్ట్ షాట్ ని తను సెంటిమెంట్ గా ఫీలయ్యే వన దేవత గుడిలో చిత్రీకరించాడు బోయపాటి. గచ్చిబౌలిలోని ఈ గుడిలో షూటింగ్ ప్రారంభించడం బోయపాటికి అలవాటు.'బాబు... స్టార్ట్ కెమెరా, యాక్షన్' అని వనదేవత గుడి బ్యాక్ డ్రాప్ లో ఫస్ట్ షాట్ ని చిత్రీకరించడం బోయపాటి సెంటిమెంట్. ఈ షాట్ ని టైటిల్స్ లో యాడ్ చేస్తారు. కాగా ఈ సెంటిమెంట్ ని రాంచరణ్ సినిమాకీ వదలిపెట్టలేదు. ఈ రోజు వనదేవత గుడిలో ఫస్ట్ షాట్ ని చిత్రీకరించారు. అనంతరం రామెజీ ఫిలింసిటీలో షూటింగ్ ని ప్లాన్ చేసాడు బోయపాటి. ఈ ఫస్ట్ షెడ్యూల్ ఈ నెలాఖరువరకూ జరగనుంది. కియారా అద్వాని హీరోయిన్ గా నటించనున్న ఈ సినిమాకి దేవిశ్రీప్రసాద్ సంగీతమందించనున్నాడు. రిషి పంజాబి సినిమాటోగ్రాఫర్ గా వ్యవహరించబోతున్నాడు. మొత్తం మీద క్రేజీ కాంబినేషన్ రాంచరణ్, బోయపాటి సినిమా పట్టాలెక్కింది. మరి ఈ సినిమా కోసం రాంచరణ్ లుక్ ఎలా ఉంటుందో వేచి చూద్దాం.