నాచురల్ స్టార్ నాని నిర్మాతగా మారి నిర్మించిన చిత్రం 'ఆ'. ఈ రోజు (16.2.2018) ఈ చిత్రం ప్రపంచ వ్యాప్తంగా విడుదలయ్యింది. కాగా ఈ సినిమా ప్రమోషన్ కార్యక్రమాల్లో పాల్గొంటున్న నాని తనకు నచ్చిన సినిమా గురించి, ఆ సినిమాని రీమేక్ చేయాలనే కోరిక ఉందని చెప్పాడు. నానికి అంతగా నచ్చిన సినిమా ఏంటీ అనే వివరాల్లోకి వెళితే...
మెగాస్టార్ చిరంజీవి హీరోగా నటించిన 'చంటబ్బాయ్' చిత్రం నానికి చాలా ఇష్టమట. మల్లాది వెంకటకృష్ణ మూర్తి నవల ఆధారంగా ఈ చిత్రం తెరకెక్కింది. ఇందులో హీరో డిటెక్టివ్ పాత్ర చేసాడు. ఈ సినిమా రీమేక్ చేయాలనే కోరిక తనకు ఉన్నట్టు చెప్పాడు నాని. జంధ్యాల దర్శకత్వంలో తెరకెక్కిన ఎంటర్ టైనర్ 'చంటబ్బాయ్' అందరికీ ఇష్టం. ఈ సినిమా రీమేక్ ని నిర్మించి నాని నటిస్తాడేమో వేచి చూద్దాం. ప్రస్తుతం నాని 'కృష్ణార్జునయుద్ధం' చిత్రం చేస్తున్నాడు. హను రాఘవపూడి దర్శకత్వంలో సినిమా చేసే ఆలోచనలో కూడా నాని ఉన్నాడు. మరి చిరు 'చంటబ్బాయ్' ని నాని రీమేక్ చేసి డిటెక్టివ్ అవతారమెత్తుతాడా వేచి చూద్దాం.