మెగా పవర్ స్టార్ రాంచరణ్ హీరోగా క్రియేటివ్ డైరెక్టర్ సుకుమార్ దర్శకత్వంలో తెరకెక్కుతోన్న ‘రంగస్థలం’ చిత్రం షూటింగ్ పూర్తి చేసుకుని పోస్ట్ ప్రొడక్షన్ కార్యక్రమాలు జరుపుకుంటున్న విషయం తెలిసిందే. సమ్మర్ కానుకగా మార్చి 30న ఈ చిత్రాన్ని విడుదల చేయడానికి సన్నాహాలు చేస్తున్నారు. ఇదిలా ఉంటే…
ఈ సినిమా 1985 వ నాటి ప్రేమ కథతో తెరకెక్కుతోందని అందరికీ తెలుసు. అయితే తాజా వార్తల ప్రకారం ఈ సినిమాలో రాజకీయ ప్రస్థావన కూడా ఉందట. రంగస్థలం ఊరిలో జరిగే సర్పంచ్ ఎన్నికలు ఈ సినిమాలో ప్రధాన భూమికను పోషిస్తాయని సమాచారమ్. దాంతో ఈ సినిమాలో ఏ పార్టీనైనా టార్గెట్ చేసే విధంగా రాజకీయాల ప్రస్థావన ఉంటుందా అనే చర్చ జరుగుతోంది. రాజకీయ ప్రస్థావన ఈ సినిమాలో ఉంటుందనే విషయంలో చిత్రం యూనిట్ సీక్రెట్ మెయింటెన్ చేస్తోంది. ఏదేమైనా సినిమా చాలా బాగా వచ్చిందట. రాంచరణ్ కెరీర్ లో ‘రంగస్థలం’ కి ప్రత్యేకమైన స్థానం ఉంటుందని అటు సుకుమార్ కి కూడా ఈ సినిమా చాలా మంచి పేరు తెచ్చిపెడుతుందని ఇండస్ట్రీ వర్గాలు అంటున్నాయి.