యంగ్ టైగర్ ఎన్టీఆర్ 'బిగ్ బాస్' సీజన్ 1 షో ని సక్సెస్ ఫుల్ గా హోస్ట్ చేసి బుల్లితెర ఆడియన్స్ ని అలరించిన విషయం తెలిసిందే. సెకండ్ సీజన్ ని హోస్ట్ చేయడానికి ఎన్టీఆర్ సమాయత్తమవుతున్నాడనే వార్తలు ప్రచారమవుతున్నాయి. జూన్ లో సెకండ్ సీజన్ ఆరంభంకానుందని కూడా అంటున్నారు. అయితే ఈ వార్తల్లో నిజంలేదట.
త్రివిక్రమ్ శ్రీనివాస్ తో ఎన్టీఆర్ చేయబోతున్న సినిమా త్వరలో సెట్స్ పైకి వెళ్లనుందని తెలుస్తోంది. టోటల్ గా ఈ సినిమాపైనే కాన్ సెన్ ట్రేట్ చేయాలని భావిస్తున్నాడట ఎన్టీఆర్. ఈ సినిమా తర్వాత రాజమౌళి దర్శకత్వంలో సినిమా చేయబోతున్నాడు ఎన్టీఆర్. ఈ రెండు సినిమాల గురించే ఎన్టీఆర్ ఆలోచిస్తున్నాడని, బిగ్ బాస్ సీజన్ - 2 గురించి ఎన్టీఆర్ ఆలోచించడంలేదని, ఈ షో ని హోస్ట్ చేసే ఆలోచన కూడా లేదని ఫిల్మ్ నగర్ టాక్. ఈ షో నిర్వాహకులకు కూడా ఈ విషయం చెప్పేసాడట. ప్రస్తుతం త్రివిక్రమ్ సినిమా లోని పాత్ర కోసం బరువు తగ్గే పనిలో ఉన్నాడు. ఇప్పటికే భారీగా బరువు తగ్గి, చాలా స్లిమ్ గా కనబడుతున్నాడట. ఈ లుక్ బయటికి రావడం ఇష్టంలేక, ఎన్టీఆర్ పబ్లిక్ లో ఎక్కడా కనిపించడంలేదు. త్రివిక్రమ్ శ్రీనివాస్ స్ర్కిఫ్ట్ కి తుదిమెరుగులు దిద్దుతున్నాడు. సో... బిగ్ బాస్ - 2 వార్తలు నిజంకాదని ఫిక్స్ అయిపోవచ్చు. బుల్లితెర ఆడియన్స్ ని కూడా ఈ వార్త నిరాశపరుస్తుందని ప్రత్యేకంగా చెప్పక్కర్లేదు.