మాస్ మహారాజా రవితేజ ప్రస్తుతం కళ్యాణ్ కృష్ఱ కురసాల దర్శకత్వంలో ఓ సినిమా చేస్తున్న సంగతి తెలిసిందే. రామ్ తళ్లూరి నిర్మిస్తున్న ఈ చిత్రానికి 'నేల టిక్కెట్' టైటిల్ ని పరిశీలిస్తున్నారట. కాగా ఈ 'నేల టిక్కెట్' కి బంపర్ ఆఫర్ వచ్చినట్టు తెలుస్తోంది.
ఈ సినిమా హిందీ డబ్బింగ్ రైట్స్, డిజిటల్, శాటిలైట్ హక్కుల కోసం 25కోట్లు ఆఫర్ ఇచ్చి సన్ నెట్ వర్క్ దక్కించుకుందని సమాచారమ్. ఈ భారీ ఆఫర్ ని తిరస్కరించడం ఇష్టంలేక నిర్మాతలు అగ్రిమెంట్ పై సైన్ చేసారట. సోగ్గాడే చిని నాయనా, రా రండోయ్ వేడుక చూద్దాం సినిమాలతో వరుస సక్సెస్ లను చవిచూస్తున్న డైరెక్టర్ కళ్యాణ్ కృష్ణ కురసాల ఈ సినిమాతో హ్యాట్రిక్ హిట్ ని తన ఖాతాలో వేసుకుంటాననే నమ్మకంతో ఉన్నాడట. ఈ సినిమా థియేట్రికల్ రైట్స్ కి కూడా భారీ ఆఫర్స్ వస్తున్నాయట. సో... రవితేజ తదుపరి సినిమాకి మంచి క్రేజ్ నెలకొందని చెప్పొచ్చు.