యంగ్ టైగర్ ఎన్టీఆర్ 'బిగ్ బాస్' సీజన్ 1 షో ని సక్సెస్ ఫుల్ గా హోస్ట్ చేసి బుల్లితెర ఆడియన్స్ ని అలరించిన విషయం తెలిసిందే. సెకండ్ సీజన్ ని కూడా ఎన్టీఆర్ తోనే హోస్ట్ చేయించాలని నిర్వాహకులు భావించారట. కానీ ఎన్టీఆర్ బిగ్ బాస్ - 2 ని హోస్ట్ చేయడానికి గ్రీన్ సిగ్నల్ ఇవ్వడంలేదని సమాచారమ్. త్రివిక్రమ్ శ్రీనివాస్ తో ఎన్టీఆర్ చేయబోతున్న సినిమా త్వరలో సెట్స్ పైకి వెళ్లనుంది. టోటల్ గా ఈ సినిమాపైనే కాన్ సెన్ ట్రేట్ చేయాలని భావిస్తున్నాడట ఎన్టీఆర్. ఈ సినిమా తర్వాత రాజమౌళి దర్శకత్వంలో సినిమా చేయబోతున్నాడు ఎన్టీఆర్. ఈ రెండు సినిమాల గురించే ఎన్టీఆర్ ఆలోచిస్తున్నాడని, బిగ్ బాస్ సీజన్ - 2 గురించి ఎన్టీఆర్ ఆలోచించడంలేదని, ఈ షో ని హోస్ట్ చేసే ఆలోచన కూడా లేదని ఫిల్మ్ నగర్ టాక్.
కాగా తాజా వార్తల ప్రకారం హీరో నానితో 'బిగ్ బాస్ - 2' షో ని హోస్ట్ చేయించాలని నిర్వాహకులు డిసైడ్ అయ్యారట. ఎన్టీఆర్ తర్వాత నాని మాత్రమే ఈ షో ని సక్సెస్ ఫుల్ గా హోస్ట్ చేయగలడని భావిస్తున్నారట. అందుకే నానితో సంప్రదింపులు జరపడానికి బిగ్ బాస్ నిర్వాహకులు సమాయత్తమవుతున్నారని సమాచారమ్. మరి నాని ఈ షో ని హోస్ట్ చేయడానికి అంగీకరిస్తాడా... వేచి చూద్దాం.