మెగా పవర్ స్టార్ రాంచరణ్ హీరోగా క్రియేటివ్ డైరెక్టర్ సుకుమార్ దర్శకత్వంలో తెరకెక్కుతోన్న 'రంగస్థలం' చిత్రంపై భారీ అంచనాలు నెలకొన్న సంగతి ప్రత్యేకంగా చెప్పక్కర్లేదు. ఈ సినిమా స్టిల్స్, టీజర్స్, రాంచరణ్ లుక్, సమంత లుక్ సినిమాపై భారీ క్రేజ్ ని నెలకొనేలా చేసాయి. రాంచరణ్, సమంత పాత్రల గురించి బోల్డన్ని వార్తలు బయటికి వచ్చాయి. విలేజ్ బ్యాక్ డ్రాప్ లో తెరకెక్కుతోన్న ఈ సినిమాలో రాజకీయ నేపధ్యం కూడా ఉంది.
1985 రాజకీయాలను ఈ సినిమాలో చూపించడం జరిగిందని సమాచారమ్. 1985 లో అన్న నందమూరి తారకరామారావు రాజకీయనాయకుడిగా చక్రం తిప్పుతున్నారు. ఈ నేపధ్యంలో ఈ సినిమాలో ఎన్టీఆర్ ని చూపించడం జరిగిందట. అయితే ఎన్టీఆర్ విజువల్స్ ని వాడారా.. లేక ఎన్టీఆర్ పాత్రను ఎవరితోనైనా చేయించారా అనే విషయం బయటికి రాలేదు. కానీ ఈ సినిమాలో ఎన్టీఆర్ కనిపిస్తారనే వార్త నందమూరి అభిమానులకు స్వీట్ షాక్ అని చెప్పొచ్చు. ఈ సర్ ప్రైజ్ సినిమాకి మరింత క్రేజ్ పెంచడం ఖాయం. సో... మెగా ఫ్యాన్స్ మాత్రమే కాదు... నందమూరి అభిమానులు కూడా ఈ సినిమాని ఓన్ చేసుకుంటారు. మరి మార్చి 30న థియేటర్స్ కి రానున్న ఈ సినిమా ఎన్ని సంచలనాలకు తెర తీయనుందో వేచి చూద్దాం.