మెగా పవర్ స్టార్ 'రంగస్థలం' చిత్రం ఫ్రీ రిలీజ్ వేడుక వైజాగ్ లో అంగరంగ వైభవంగా జరిగిన విషయం తెలిసిందే. మెగాస్టార్ చిరంజీవి ముఖ్య అతిధిగా పాల్గొన్న ఈ వేడుకకు మెగాభిమానులు భారీ ఎత్తున తరలివచ్చారు. ఈ వేడుకలో భాగంగా విడుదల చేసిన థియేట్రికల్ ట్రైలర్ కి అద్భుతమైన స్పందన లభిస్తోంది. ఇదిలా ఉంటే ఈ సినిమా నిడివి గురించి ఓ వార్త హల్ చల్ చేస్తోంది. అదేంటంటే...
2 గంటల 45 నిముషాల నిడివితో ఈ సినిమా ఉంటుందట. ప్రస్తుతం నడుస్తున్న ట్రెండ్ ప్రకారం ఈ నిడివి చాలా ఎక్కువ. మాములుగా ఇప్పటి సినిమాలు 2గంటల 5 లేదా 10 నిముషాల లెంగ్త్ తో ఉంటున్నాయి. ఎంత లెంగ్త్ తక్కువ అయితే అంత బెటర్ అని భావిస్తున్నారు. కానీ 'రంగస్థలం' లెంగ్త్ 2 గంటల 45 నిముషాలు అంటే చాలా ఎక్కువ. కంటెంట్ ఉంది కాబట్టే లెంగ్త్ విషయంలో డైరెక్టర్ సుకుమార్ ఇంత డేర్ చేసాడని ఫిల్మ్ నగర్ టాక్. ఈ సినిమాని చూసిన చిరు, ఆయన సతీమణి సురేఖ డైరెక్టర్ సుకుమార్ ని ప్రశంసలతో ముంచెత్తారట. మార్చి 30న ఈ సినిమా థియేటర్స్ కి వస్తోంది. మెగాభిమానులతో పాటు సినీప్రియులను, విమర్శకులను సైతం ఈ సినిమా విపరీతంగా అలరిస్తుందనే నమ్మకంతో చిత్రం యూనిట్ ఉంది. మరి ఈ సినిమా ఏ రేంజ్ విజయాన్ని అందుకుంటుందో వేచి చూద్దాం.